ސްކިލްސް ޑިވެލޮޕްމެންޓް އޮތޯރިޓީގެ ސީއީއޯގެ މަގާމަށް ބޭފުޅަކު އައްޔަން ކުރައްވައިފި
މޯލްޑިވްސް ނޭޝަނަލް ސްކިލްސް ޑިވެލޮޕްމަންޓް އޮތޯރިޓީގެ ޗީފް އެގްޒެކެޓިވް އޮފިސަރ (ސީއީއޯ)ގެ މަގާމަށް ބޭފުޅަކު އައްޔަނުކުރައްވައިފި އެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ، އެ މަގާމަށް އައްޔަން ކުރައްވާފައިވަނީ ދަފްތަރު ނަންބަރު 3851، އަހުމަދު ނަޝީދެވެ.
އޭނާ އެ މަގާމަށް އައްޔަނުކުރައްވާފައިވަނީ ސްޓޭޓް މިނިސްޓަރުގެ މަގާމާއި އެއް ފެންވަރުގަ އެވެ.
މި މަގާމަށް އައްޔަން ކުރެއްވުމާއި ހަމައަށް ނަޝީދު ހުންނެވީ ޕްލޭނިންގ މިނިސްޓްރީގެ ސްޓޭޓް މިނިސްޓަރުގެ މަގާމުގަ އެވެ.
އަދާލަތު ޕާޓީއަށް ނިސްބަތްވެވަޑައިގަންނަވާ ނަޝީދު ވަނީ އޮސްޓްރޭލިއާގެ ކާޓިންގ ޔުނިވަރސިޓީ އޮފް ޓެކްނޮލޮޖީން މާސްޓަރ އޮފް އިންޖިނިއަރިންގ ސައިންސް (ރިނިއުބަލް އެނަޖީ އިންޖިނިއަރިންގ) ހާސިލް ކުރައްވާފަ އެވެ.
ނަޝީދަކީ މީގެ ކުރިން ރައީސުލްޖުމްހޫރިއްޔާގެ އޮފީހުގެ ޑެޕިއުޓީ އަންޑަރ ސެކްރެޓަރީ މަގާމު ފަދަ އިސް މަގާމުތައް ފުރުއްވާފައިވާ ބޭފުޅެކެވެ.
މިލިޔުން ކިޔާލުމުން
