ރައީސުލްޖުމްހޫރިއްޔާ މިއަދު ހަވީރު ނޫސްވެރިންނާ ބައްދަލުކުރައްވަނީ
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު، މިއަދު ހަވީރު ނޫސްވެރިންނާ ބައްދަލުކުރައްވަން ނިންމަވައިފި އެވެ.
ރައީސް އޮފީހުގެ ތަރުޖަމާން މުހައްމަދު މަބްރޫކު އަޒީޒު ކުރައްވާފައިވާ ޓްވީޓެއްގައި ވިދާޅުވެފައިވަނީ ރައީސް ސޯލހު ނޫސްވެރިންނާ ބައްދަލުކުރައްވާނީ މިއަދު ހަވީރު 4:30 ގައި ކަމަށެވެ.
މި ބައްދަލުވުމަކީ ކޮވިޑާ ގުޅިގެން އަޅާ ފިޔަވަޅުތަކާއި ކޮވިޑް-19 އާ ގުޅިގެން ގައުމީ ފެންވަރުގައި ހަދާފައިވާ އުސޫލުތަކާ ގުޅޭ މަޢުލޫމާތު ދިނުމަށް ބާއްވާ ބައްދަލުވުމެއް ކަމަށް ވެސް މަބްރޫކް ވިދާޅުވެފައި ވެއެވެ.
President @ibusolih will meet the press this evening at 16:30hrs to discuss the latest measures and policy updates related to the national #COVID19 response.
— Miuvaan Mohamed (@MvSpokesperson) June 8, 2021
ރައީސް ސޯލިހު އެންމެ ފަހުން ނޫސްވެރިންނާ ބައްދަލު ކުރައްވާފައި ވަނީ މިދިޔަ މެއި މަހުގެ 25 ވަނަ ދުވަހު އެވެ. އެ ބައްދަލުވުމުގައި ހެލްތު މިނިސްޓަރު އަހުމަދު ނަސީމުވެސް ބައިވެރިވެ ވަޑައިގެންނެވި އެވެ.
މިލިޔުން ކިޔާލުމުން
