އިނގިރޭސި ރާނީ ބާއްދަލު ކުރައްވާ އެމެރިކާގެ 12 ވަނަ ރައީސަކަށް ބައިޑަން
އިނގިރޭސިވިލާތުގެ ރާނީ އެލިޒަބަތް 2 އާއި އެމެރިކާގެ ރައީސް ޖޯ ބައިޑަން ބައްދަލު ކުރައްވަން ހަމަޖެހިއްޖެ އެވެ.
ޝާހީ ގަނޑުވަރު ބެކިންހަމް ޕެލަސްއިން މައުލޫމާތު ދޭގޮތުގައ މި ބައްދަލުވުން ބޭއްވުމަށް ހަމަޖެހިފައިވަނީ މިމަހުގެ 13 ވަނަ ދުވަހު އެވެ.
މި ބައްދަލުވުމުގައި އެމެރިކާގެ ފަސްޓް ލޭޑީ ޖިލް ބައިޑަންވެސް ބައިވެރިވެވަޑައިގެންނަވާނެ އެވެ.
މި ބައްދަލުވުމަކީ މިހާރު ބައިޑަން އިނގިރޭސިވިލާތަށް ކުރައްވަމުން ގެންދަވާ ރަސްމީ ދަތުރުފުޅުގެ ހަވާސާގެ ތެރެއިން ބާއްވާ ބައްދަލުވުމެކެވެ. ރައީސް ބައިޑަން އެ ގައުމަށް ވަޑައިގެން އުޅުއްވަނީ ޖީ 7 ސަމިޓުގައި ބައިވެރިވެވަޑައިގެންނެވުމަށެވެ.
މިއީ ރާނީ ބައްދަލު ކުރައްވާ އެމެރިކާގެ 12 ވަނަ ރައީސެވެ. މި ފަހުން އެމެރިކާގައި ވެރިކަން ކުރައްވާފައިވާ ބޭފުޅުންގެ ތެރެއިން ރާނީ ބައްދަލު ކުރައްވާފައިވަނީ ޑޮލަންޑް ޓްރަމްޕާއި ޖޯޑް ޑަބްލިއު ބުޝް އާއި އެވެ.
މިއީ ވެރިކަމާއި ހަވާލުވެވަޑައިގެންނެވި ފަހުން ބައިޑަން ގައުމުން ބޭރަށް ކުރައްވާ ފުރަތަމަ ދަތުރުފުޅެވެ.