ޚަބަރު ފީތާ

ރާއްޖެއިން މިއަދު ޕޮޒިޓިވް ވީ 780 މީހުން

ފާއިތުވި 24 ގަޑި އިރުގެ ތެރޭގައި ރާއްޖެއިން ކޮވިޑަށް ޕޮޒިޓިވް ޢަދަދު އެއްހާހުން ދަށަށް ހިނގައްޖެ އެވެ.

އެޗްޕީއޭ އިން ކޮށްފައިވާ ޓްވީޓުގައި ބުނެފައިވަނީ މިއަދުގެ ޢަދަދުތަކުގެ ތެރޭގައި މާލެ ސަރަހައްދުން 571 މީހުންނާއި އަތޮޅުތަކުން 205 މީހުން ހިމެނޭ ކަމަށެވެ. އަދި އޮޕަރޭޝަނަލް ރިސޯޓުތަކުން 4 މީހަކު ވެސް މީގެތެރޭގައި ހިމެނޭ ކަމަށް އެ ޓްވީޓުގައި ބުނެފައި ވެއެވެ.

އެޗްޕީއޭގެ ޓްވީޓުގައި ބުނެފައިވަނީ މިއަދުގެ އަދަދާއެކު ރާއްޖެއިން 63686 މީހުން ކޮވިޑަށް ޕޮޒިޓިވް ވެފައިވާ ކަމަށެވެ.

ފާއިތުވި 24 ގަޑި އިރުގެ ތެރޭގައި ރާއްޖެއިން 4356 ސާމްޕަލް ނަގާފައިވާ އިރު، އެކްޓިވް ކޭސްތަކުގެ ޢަދަދަކީ 24025 އެވެ.

ހޮސްޕިޓަލުގައި އެޑްމިޓްކޮށްގެން 218 މީހުންނަށް ފަރުވާ ދެމުން އަންނަ އިރު، 39314 މީހުން މިހައިތަނަށް މިބަލިން ވަނީ ރަނގަޅުވެފަ އެވެ.

ރާއްޖެއިން ކޮވިޑު ބަލީގައި ނިޔާވެފައިވަނީ 158 މީހުން ނެވެ.

 

Like
Like Love Haha Wow Sad Angry