ރާއްޖެއިން ކޮވިޑަށް މިއަދު ޕޮޒިޓިވް ވީ 1062 މީހުން
ރާއްޖެއިން ކޮވިޑް-19 އަށް މިއަދު 1062 މީހުން ޕޮޒިޓިވް ވެއްޖެ އެވެ.
އެޗްޕީއޭ އިން ބުނީ މީގެ ތެރޭގައި މާލެ ސަރަހައްދުން 699 މީހުންނާއި އަތޮޅުތަކުން 353 މީހުންނާއި ހަދަމުންދާ ރިސޯޓުތަކުން 9 މީހުންނާއި ހަދަމުން އަންނަ ރަށަކުން 1 ހިމެނޭ ކަމަށެވެ.
މިއާއެކު 62،906 މީހުން ވަނީ ރާއްޖެއިން ކޮވިޑަށް ޕޮޒިޓިވް ވެފަ އެވެ.
✳️ COVID-19 : Case Updates pic.twitter.com/fjcoWeTFrN
— Health Protection Agency (@HPA_MV) May 29, 2021
މިބަލިޖެހިގެން ފަރުވާ ހޯދާ މީހުންގެ ޢަދަދު 24،507 އަށްތިރިވެފައިވާ އިރު، މިވަގުތު އެޑްމިޓްކޮށްގެން ފަރުވާ ދެމުންދަނީ 240 މީހުންނަށެވެ.
އެޗްޕީއޭގެ ތަފާސް ހިސާބަށް ބަލާ އިރު، ފާއިތުވި 24 ގަޑިއިރުގެތެރޭގައި 1،371 މީހުން މިބަލިން ރަނގަޅުވެ، މިބަލިން ރަނގަޅުވި މީހުންގެ ޢަދަދުވަނީ 38،233 އަށް އަރާފައެވެ.
ރާއްޖެއިން ކޮވިޑު ބަލީގައި މިހައިތަނަށް ނިޔާވެފައިވަނީ 157 މީހުން ނެވެ.