ރައީސް ސޯލިހު މިރޭ ގައުމާ މުޚާތަބު ކުރައްވަނީ
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު މިރޭ ޤައުމާއި މުޚާތަބް ކުރައްވާނެ ކަމަށް ރައީސުލްޖުމްހޫރިއްޔާގެ އޮފީހުން ވިދާޅުވެއްޖެ އެވެ.
ރައީސް އޮފީހުން ވިދާޅުވީ ރައީސް މިރޭ ޤައުމާއި މުޚާތާބު ކުރައްވާނީ މިރޭ 7 ޖަހާއިރު ކަމަށެވެ.
އެމަނިކުފާނު މިރޭ ޤައުމާއި މުޙާތަބު ކުރައްވަނީ ލާމަރުކަޒީ އުސޫލުން އިދާރީ ދާއިރާތައް ހިންގެވުމަށް އިންތިޚާބުވި ކައުންސިލަރުންނާއި، އަންހެނުންގެ ތަރައްޤީއަށް މަސައްކަތް ކުރާ ކޮމިޓތަކުގެ އިންތިޚާބު ކާމިޔާބު ކުރެއްވި ބޭފުޅުން މަސްއޫލިއްޔަތާއި މިއަދު ހަވާލުވުމާއި ގުޅިގެން އެކަމުގެ މުނާސަބަތުގައި ކަމަށް ވެސް ރައީސް އޮފީހުން ވިދާޅުވި އެވެ.
President @ibusolih will address the nation at 7 p.m. this evening regarding Councillors and Women’s Development Committee Members swearing-in ceremonies.
The address will be broadcast live on all local TV stations.
— The President's Office (@presidencymv) May 17, 2021
ލާމަރުކަޒީ އުސޫލުން އިދާރީ ދާއިރާތައް ހިންގުމަށް ޤާނޫނަށް ގެނައި ބަދަލާއިއެކު އިންތިޚާބުވި ކައުންސިލަރުން ހުވާ ކުރައްވާފައިވަނީ މިއަދު އެވެ. ޤާނޫނުގެ ތެރެއިން ކައުންސިލްތައް ހިންގުމަށް ބޮޑެތި އިހުތިޔާރުތައް ވަނީ ކައުންސިލްތަކާއި ހަވާލުކޮށްފައެވެ.