އިންޓެލިޖެންސް އޮޑިޓް ރިޕޯޓެއް ތައްޔާރުކުރުމުގެ މަސައްކަތް ފަށައިފި
އިންޓެލިޖެންސް އޮޑިޓް ރިޕޯޓެއް ތައްޔާރުކުރުމުގެ މަސައްކަތް ފަށައިފި އެވެ.
މި މަސައްކަތް ފަށާފައި މިވަނީ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދަށް އަމާޒްކޮށްދިން ޓެރަރިސްޓް ހަމަލާއާ ގުޅިގެން ނެވެ.
ރައީސް އޮފީހުގެ ތަރުޖަމާނު މަބްރޫކް އަޒީކުރައްވާފައިވާ ޓްވީޓެއްގައި ވިދާޅުވެފައިވަނީ އިންޓެލިޖެންސްގެ އޮޑިޓް ހަދަނީ ރައީސް އޮފީހާއި އެޓަރނީ ޖެނަރަލް އޮފީސް ގުޅިގެން އުފައްދާފައިވާ ޓީމަކުން ކަމަށެވެ.
“ރައީސް ނަޝީދަށް ދިން ހަމަލާއާ ގުޅިގެން އިޓެލިޖެންސްގެ މަސައްކަތް ހުރި ގޮތުގެ އޮޑިޓެއް ހެދުމުގެ މަސައްކަތް ވަނީ ފަށާފަ. އެ ޓީމުގެ ހޯދުންތައް ރައީސް އާ ހިއްސާ ކުރާނެ.” މަބްރޫކް ވިދާޅުވެފައި ވެއެވެ.
President Solih has directed a PO-AGO led team to conduct an audit into national intelligence mechanisms in relation to the attack on Speaker of Parliament, President Mohamed Nasheed.
The committee has begun their proceedings and will provide their findings to the President.
— Miuvaan Mohamed (@MvSpokesperson) May 15, 2021
ރައީސް ނަޝީދަށް އަމާޒުކޮށްދިން ޓެރަރިސްޓް ހަމަލާއާއި ގުޅިގެން ސިފައިންނާއި ފުލުހުންގެ އިންޓަލިޖެންސް އޮޑިޓެއް ހަދަން ނިންމާފައިވާކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު މީގެކުރިން ވަނީ ވިދާޅުވެފައެވެ.
މި ރިޕޯޓުގެ އަލީގައި އިތުރަށް ރަނގަޅުކުރަންޖެހޭ ކަންކަން ބަލާ، ބަދަލުތައް ގެންނަވާނެ ކަމަށާއި މިފަދަކަމެއް ތަކުރާރުވިޔަ ނުދިނުމަށްޓަކާ އެޅެންހުރި ހުރިހާ ފިޔަވަޅުތަކެއް މި ސަރުކާރުން އަޅާނެކަމަށް ވެސް ރައީސް ސޯލިހު ވިދާޅުވެފައި ވެއެވެ.
ނަޝީދު އަވަހަރާކޮށްލަން ދިން ހަމަލާގެ ކުރިން، އެފަދަ އަމަލެއް ހިންގަން ބަޔަކު ރާވާ ކަމުގެ މައުލޫމާތު ލިބިގެން ހުޅުދޫ ދާއިރާގެ މެންބަރު އިލްޔާސް ލަބީބު އެމްއެންޑީއެފްއަށް އަންގަވާފައިވާ ކަމަށް އޭނާ ވަނީ ވިދާޅުވެފަ އެވެ.
ލަބީބު ވިދާޅުވެފައިވަނީ އެ މައުލޫމާތު ލިބުނީ އާންމު މީހެއްގެ ފަރާތުން ކަމަށާއި އެކަން ޑިފެންސް މިނިސްޓަރު މާރިޔާ އަހުމަދު ދީދީއަށް އަންގާފައިވާ ކަމަށެވެ.
ރައީސް މުޙައްމަދު ނަޝީދަށް ދިން ޙަމަލާގައި އެމަނިކުފާނަށް ވަނީ ބޮޑެތި ޒަޚަމްތަކެއް ލިބިވަޑައިގަންނަވާ އިރު، 16 ގަޑިއިރަށްވުރެ ދިގު އޮޕަރޭޝަންތަކެއް ވަނީ ކޮށްފަ އެވެ.
ރައީސް ނަޝީދަށް އަމާޒުކޮށް ދިން މިޙަމަލާ ދިނުމުގައި ޙަރަކާތްތެރިވި 3 މީހަކު ފުލުހުންވަނީ ހައްޔަރުކޮށްފައެވެ.
މިލިޔުން ކިޔާލުމުން
