21 އަހަރުގެ އަންހެން ކުއްޖަކު މާލެއިން ގެއްލިގެން ހޯދަނީ
21 އަހަރުގެ އަންހެން ކުއްޖަކު މާލެއިން ގެއްލިގެން ހޯދަން ފަށައިފި އެވެ.
ފުލުހުން ބުނީ ގެއްލިގެން ހޯދަމުންދަނީ މ. ގޯބިލިގަސްދޮށުގެ، އުމުރުން 21 އަހަރުގެ އާމިނަތު ހުމައިނާ ޒަކަރިއްޔާ ކަމަށެވެ.
އިޝްތިހާރު 
ފުލުހުން ބުނީ އޭނާ ގެއްލިގެން އާއިލާއިން ފުލުހުންނަށް ރިޕޯޓު ކުރީ މިމަހުގެ 10 ވަނަ ދުވަހުގެ ރޭ 9:15 ހާއިރު ކަމަށެވެ. އަދި މިހާތަނަށް ކުރެވުނު މަސައްކަތުން އޭނާ ފެނިފައި ނުވާކަމަށް ފުލުހުން ބުނެއެވެ.
ހުމައިނާ އެންމެ ފަހުން ފެނުނު އިރު ލައިގެން ހުރީ ހުދުކުލައިގެ ހެދުމަކާއި ކަޅުކުލައިގެ ޖިންސެއް ކަމަށް ފުލުހުން ބުނެއެވެ.
ހުމައިނާ އާ ބެހޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ޖެނެރަލް އިންވެސްޓިގޭޝަން ޑިޕާޓްމަންޓުގެ ނަންބަރު 9631696 އަށް ގުޅައި މައުލޫމާތު ދިނުމަށް ފުލުހުން ވަނީ އެދިފަ އެވެ.
މިލިޔުން ކިޔާލުމުން
