މާލެ ސަރަހައްދުގައި ހަވީރު 4 އިން ފަތިހު 4 އަށް ކާފިއު ހިންގަން ނިންމައިފި
ހަލުވިކަމާއި އެކު މިހާރު ރާއްޖޭގައި ފެތުރެމުންދާ ކޮވިޑު-19ގެ ނުރައްކާތެރިކަން ކުޑަކުރުމަށްޓަކައި އެބަލި ފެތުރުން ހުއްޓުވުމަށް އަޅާ ފިޔަވަޅެއްގެ ގޮތުން، މާލެ ސަރަހައްދުގައި ހަވީރު 4:00 އިން ފަތިހު 4:00 އަށް މާލެ ސަރަހައްދުގައި ކާފިއު ހިންގަން ނިންމައިފިއެވެ.
މާލެ ސަރަހައްދުގައި ހަލުވިކަމާއެކު ކޮވިޑް ފެތުރެމުންއަންނައިރު، އެ ސަރަހައްދުގައި ކޮންމެ ދުވަހަކުވެސް މިހާރު ކޮވިޑަށް ފައްސިވަމުންދާ މީހުންގެ އަދަދުތައް 1000 އަށްވުރެ މައްޗަށް އަރަމުންދާއިރު، އެ ބަލީގައި ނިޔާވާ މީހުންގެ އަދަދުތައްވެސް ދަނީ އިތުރުވަމުންނެވެ.
މިކަމާއި ގުޅިގެން އެޗްޕީއޭއިން އެންގި އެންގުމުގައި ބުނެފައިވަނީ ކޮވިޑް-19 ގެ ހާލަތުން ރައްކާތެރިވުމަށް އަޅަމުންދާ ފިޔަވަޅުތަކުގެ ތެރެއިން، 12 މެއި އިން ފެށިގެން 1 (އެކެއް) ހަފުތާގެ މުއްދަތަށް މާލެ ސަރަޙައްދުގައި (މާލެ، ހުޅުމާލެ، ވިލިމާލެ) ހަވީރު 04:00 އިން ފަތިހު 4:00 އާއި ދެމެދު ބޭރަށް ނިކުމެ އުޅުން މަނާކުރުމަށް ވަނީ ނިންމާފައިކަމަށެވެ.
ކޮވިޑް-19 ގެ ހާލަތުން ރައްކާތެރިވުމަށް އަޅަމުންދާ ފިޔަވަޅުތަކުގެ ތެރެއިން، 12 މެއި އިން ފެށިގެން 1 (އެކެއް) ހަފުތާގެ މުއްދަތަށް މާލެ ސަރަޙައްދުގައި (މާލެ، ހުޅުމާލެ، ވިލިމާލެ) ހަވީރު 04:00 އިން ފަތިހު 4:00 އާއި ދެމެދު ބޭރަށް ނިކުމެ އުޅުން މަނާކުރުމަށް ވަނީ ނިންމާފައި. އެޗްޕީއޭ
މިލިޔުން ކިޔާލުމުން
