ކާފިއު އާ ޚިލާފުވި 141 މީހުން މިހައިތަނަށް ޖޫރިމަނާ ކޮށްފި
ކާފިއު ވަގުތު ބޭރުގައި އުޅުނު 116 މީހަކާއި ވެހިކަލް ދުއްވި 10 މީހަކު ޖޫރިމަނާކޮށްފި އެވެ.
ރައީސް އޮފީހުގެ ތަރުޖަމާން މަބްރޫކް އަޒީޒު ވިދާޅުވީ ކޮވިޑް19 ކޮންޓްރޯލު ކުރުމަށް އަޅާފައިވާ ފިޔަވަޅުތައް ތަންފީޒު ކުރުމަށް ކުރާ މަސައްކަތުގެ ތެރެއިން މާސްކު ނާޅާ އުޅޭ މީހުންނާއި ކާފިއު ވަގުތު ބޭރަށް ނިކުމެ އުޅޭ މީހުން އަދި ހުއްދަ ނެތި އުޅަނދު ދުއްވާ މީހުން ޖޫރިމަނާކޮށް ފިޔަވަޅު އެޅުމުގެ މަސައްކަތް ދަނީ ކުރަމުން ކަމަށެވެ.
އެގޮތުން މަގުމަތީ އަދި އާންމު ތަންތަނުގައި މާސްކު ނާޅާ އުޅުނު 141 މީހަކު މިހައިތަނަށް ޖޫރިމަނާ ކޮށްފައިވާ ކަމަށް އޭނާ ވިދާޅުވި އެވެ.
މަބްރޫކް ވިދާޅުވީ ކާފިއު ވަގުތު ބޭރުގައި އުޅުނު 116 މީހަކާއި ވެހިކަލް ދުއްވި 10 މީހަކު، އިއްޔެ އެކަނި ވެސް، ޖޫރިމަނާ ކޮށްފައިވާ ކަމަށެވެ.
މާސްކު ނާޅާ އުޅޭ މީހުންނާއި ކާފިއު އާ ޚިލާފުވާ މީހުން ޖޫރިމަނާ ކުރަނީ 1،000 ރުފިޔާ އިންނެވެ.
މިލިޔުން ކިޔާލުމުން
