241 ކޮމެޓީން ޢަލީ ޢާޒިމް އިސްތިޢުފާ ދެއްވައިފި
ސަލާމަތީ ޚިދުމަތްތަކާ ބެހޭ ކޮމިޓީ (241) ކޮމެޓީ) ގެ ނައިބު މުގައްރިރުގެ މަގާމު އަދާ ކުރައްވާ 241 ކޮމެޓީން ޢަލީ ޢާޒިމް އިސްތިޢުފާ ދެއްވައިފި އެވެ.
މިރޭ ބޭއްވި އެ ކޮމިޓީގެ ބައްދަލުވުމުގައި ކޮމިޓީގެ މުގައްރިރު ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ވިދާޅުވީ މެމްބަރު އަލީ އާޒިމްގެ ބަދަލުގައި މަޖިލީހުގެ ނައިބު ރައީސް އީވާ އަބްދުﷲ 241 ކޮމިޓީއާ ގުޅިވަޑައިގަންނަވާނެ ކަމަށް މަޖިލީހުގެ އިދާރާއިން ކޮމިޓީއަށް އަންގާފައިވާ ކަމަށެވެ.
”އެހެންވީމާ ކޮމިޓީގައި އަލީ އާޒިމްގެ ބަދަލުގައި ދެން އިންނަވާނީ އީވާ. އަލީ އާޒިމް ކޮމިޓީން ވަކިވުމާ ގުޅިގެން ނައިބު މުގައްރިރުގެ މަގާމަށް ހެންވޭރު ހުޅަނގު ދާއިރާގެ މެމްބަރު ހަސަން ލަތީފު ވަނީ ނަގާފަ.“ އަސްލަމް ވިދާޅުވި އެވެ.
ހަސަން ލަތީފު އެ މަގާމަށް އައްޔަން ކުރެއްވީ އެއީ ކޮމިޓީގައި ބައިވެރިވި 13 މެމްބަރުންގެ ވޯޓާ އެކު އެވެ.
އަލީ އާޒިމް ކޮމިޓީން ވަކިވި ސީދާ ސަބަބެއް ސާފުވާގޮތެއް އަދިނުވެއެވެ.
މިލިޔުން ކިޔާލުމުން
