ޔުވެންޓަސް އިޓާލިއަން ލީގުން ވަކިކުރަނީ
ނިމިގެން ދިޔަ އޭޕްރީލް މަހު ޔޫރަޕުގެ ބޮޑު 12 ކުލަބަކުން ގުޅިގެން އަލަށް ތައާރަފްކޮށް ބާއްވަން މަސައްކަތްކުރި ޔޫރަޕިއަން ސުޕަ ލީގުން އަންނަ ސީޒަން ފެށެންވާއިރަށް ޔުވެންޓަސް ވަކި ނުވެއްޖެ ނަމަ އިޓާލިއަން ލީގުން ވަކި ކުރާނެ ކަމުގެ އިންޒާރު އިޓަލީގެ ފުޓްބޯޅަ ފެޑެރޭޝަނުން ދީފި އެވެ.
މިމައްސަލައާއި ގުޅިގެން ވާހަކަ ދައްކަމުން އިޓަލީގެ ފުޓްބޯޅަ ފެޑެރޭޝަންގެ ރައީސް ގަބްރިއެލް ގްރާވީނާ ބުނެފައިވަނީ އަންނަ ސީޒަން ފެށެންވާއިރުވެސް ސުޕަ ލީގުން ވަކިނުވެ ޔުވެންޓަސް އޮތްނަމަ އެ ޓީމަށް އިޓާލިއަން ލީގުގައި ބައިވެރިނުވެވޭނެ ކަމަށެވެ.
ފެޑެރޭޝަނުންނާއި ޔޫެއެފާ އިން ކަނޑައަޅާފފައިވާ އުސޫލުތަކަށް ތަބާނުވުމަކީ އިޓަލީގެ ފުޓްބޯޅައިގެ ގަވައިދައްވެސް ތަބާނުވުންކަމަށާއި އެހެން ވެއްޖެ ނަމަ އޮންނަ އުސޫލެއްގެ މަތިން ކޮންމެ ކުލަބަކާއި މެދުވެސް ފިޔަވަޅު އަޅަން ފަސްނުޖެހޭނެ ކަމަށް ވެސް ގަބްރިއެލް ގްރާވީނާ ބުނެފައިވެއެވެ.
ދުނިޔޭގެ ނަން މަޝަހޫރު ބޮޑެތި ލީގުތަކުގެ ގިނަ ކުލަބުތަކެއްވެސް ހިމަނައިގެން ތައާރަފްކޮށް ކުރިޔައްގެންދިއުމަށް ނިންމި ސުޕަ ލީގުގައި އިނގިރޭސި ޕްރިމިއަ ލީގުގެ ހަ ކުލަބަކާއި ސްޕެނިޝް ލީގުގެ ތިން ކުލަބެއްގެ އިތުުރުން އިޓާލިއަން ލީގުގެ ތިން ކުލަބުވެސް ހިމެނޭ ހެން 12 ކްލަބަކުން ބައިވެރިވެގެން ބާއްވަން މަސައްކަތްކުރި މުބާރާތުން ތިން ޓީމެއް ފިޔަވައި އެހެން ހުރިހާ ޓީމެއް މިހާރު ވަކިވެފައިވާއިރު، އެ ލީގުން މިހާތަނަށް ވަކިނުވެ އޮތް ހަމަ އެކަނި ތިން ކުލަބަކީ ސްޕެއިންގެ ބާސެލޯނާ އާއި ރެއާލް މެޑްރިޑްގެ އިތުރުން އިޓަލީގެ ޔުވެންޓަސްއެވެ. އެހެން ހުރިހާ ކުލަބުތަކެއް މިހާރުވަނީ މި ލީގުން ވަކިވެފަ އެވެ.
މިލިޔުން ކިޔާލުމުން
