މިއަހަރުގެ ކުޑަކުދިންގެ ދުވަސް، ޓީޗަރުންނާއި ކުދިންނަށް ފަޅުކަން
މި އަދަކީ ދުނިޔޭގެ ބައިނަލްއަޤުވާމީ ގޮތުން ފާހަގަ ކުރާ ކުޑަކުދިންގެ ދުވަހެވެ. މި ދުވަހަކީ ރާއްޖޭގައިވެސް ވަރަށް ކުލަގަދަކޮށް ސްކޫލްތަކުގައި ފާހަގަކުރަމުން އަންނަ ދުވަހެކެވެ. އެގޮތުން ކުޑަކުދިންގެ މި ދުވަކަކީ އެކިއެކި ކުޅިވަރު އިވެންޓުތަކާއި އެހެނިހެން މުނިފޫހި ފިލުވުމުގެ ކުޅިވަރު ހަރަކާތްތައް ވަރަށް ފޯރީގައި ކުލަގަދަކޮށް ހިންގާ ދުވަހެކެވެ.
ކަން މިހެން އޮތް ނަމަވެސް ހިތާމައަކީ މިއަހަރުގެވެސް މި ދުވަސް ކުލަގަދަކޮށް ފާހަގަ ކުރަން ފުރުސަތު ނުލިބުމެވެ. ނިމިގެން ދިޔަ 2020 ވަނަ އަހަރެކޭ އެއްގޮތައް މިއަހަރުގައިވެސް މި ދުވަސް ފާހަގަކުރުމުގެ ފުރުސަތު މިވަނީ ގެއްލިފައެވެ.
މި ދުވަހަކީ މީގެ ކުރިން ސްކޫލްތަކުގައި ވަރަށް ކުލަަދަކޮށް ފާހަގަ ކޮށް ތަފާތު ހަރަކާތްތައް ދުވަހާއި ގުޅުވައިގެން ބާއްވަމުންދާ ދުވަހެކެވެ. ނަމަވެސް މުޅިދުނިޔެ އަށް ފެތުރުފައިވާ ބޮޑު ބަލިމަޑުކަން ކަމަށްވާ ކޮރޯނާގެ ޕެންޑަމިކްގެ ސަބަބުން 2020 އަދި 2021 ވަނަ އަހަރު މި ވަނީ އަޅުގަނޑުމެންގެ ކުޑަކުދިންނަށް އެ ދުވަސް އެންމެ އެކަށީގެންވާ ގޮތަށް ފާހަގަ ކުރުމުގެ ފުރުސަތު ލިބޭގޮތް ނުވެފައެވެ.
މި ބަލިމަޑުކަމުގެ ސަބަބުން މިއަހަރުވެސް ކުޑަކުދިންގެ ދުވަހާއި ބައްދަލުކުރި އިރު، އަޅުގަނޑުމެންގެ ސްކޫލްތަކުގެ ޓިޗަރުންނާއި ކުޑަކުދިން މިވަނީ ގޭގައި ބައްދުވެފައެވެ. ގޭން ބޭރަށް ނިކުމެވޭނެ ގޮތެއް ނެތިފައެވެ. ލޮކްޑައުން ނުވަތަ މޮނިޓަރިންގެ ސަބަބުންނެވެ. މިކަމުގެ ސަބަބުން އެކުދިންނަށް ނޭދެވޭ އަސަރުތަކެއް ފޯރާނެއެވެ. ގޭގެ ހަތަރުފާރުގެ އެތެރޭގައި ބަންދުވެގެންތިބި އެ ކުޑަކުދިންނަށް ބޭނުންވާނީ ހަމައެކަނި އާއިލާގެ އެހީތެރިކަމެއް ނޫންނެވެ. ޓީޗަރުންނާއި އެކުވެރި ކުދިންގެ އެހީތެރިކަންވެސް ކުޑަކުދިންނަށް ބޭނުންވާނެއެވެ. ނަމަވެސް ބޮޑުބަލިމަޑުކަމެއްގެ ހާލަތު މެދުވެރިވެ އަޅުގަނޑުމެންގެ ރާއްޖޭގެ ހާލަތުވެސް ބަދަލުވެގެން ދިއުމަކީ މިކަމުގައި އެވެސް ފަރާތަކަށް ކުރެވޭނެ މާބޮޑުކަމެއް އޮތްކަމެއް ނޫނެވެ.
ކަން މިހެން ހުރިނަމަވެސް މި ދަނޑިވަޅުގައި އެކުދިންނާއި އެކު އޮންނަ ގުޅުން ޓީޗަރުންނާއި ބެލެނިވެރިން އަދި ރައްޓެހިންގެ މެދުގައި ޤާއިމުވެ އޮތުމަކީ މުހިންމުކަމެކެވެ.
އަހަރެމެންގެ އެންމެންގެ ވެސް އުންމީދަކީ މި ނުރައްކާތެރި ބަލިމަޑުކަމުން އަރައިގަނެ، ކުޑަކުދިންގެ ދުވަސް ކުލަގަދަކޮށް ފާހަގަކުރުމުގެ ފުރުސަތު އެކުދިންނަށް ލިބުމެވެ.
މިލިޔުން ކިޔާލުމުން
