ބަލިމީހުންނަށް ޒިޔާރަތްކުރުން ހުއްޓާލަން އޭޑީކޭ އިން އަންގައިފި
ބަލިމީހުންނަށް ޒިޔާރަތްކުރުން ހުއްޓާލަން އޭޑީކޭ ހޮސްޕިޓަލުން އަންގައިފި އެވެ.
އެ ހޮސްޕިޓަލުން ބުނީ މިއީ ކޮވިޑުގެ ހާލަތު ގޯސްވާތީ، ރައްކާތެރިކަމުގެ ފިޔަވަޅެއްގެ ގޮތުން އެޅި ފިޔަވަޅެއް ކަމަށެވެ.
”މިހާރު ދުނިޔޭގައި ފެތުރެމުންދާ ކޯވިޑް19 ބަލިމަޑުކަމާ ގުޅިގެން، އާންމުންގެ ރައްކާތެރިކަމާއި އަދި ސިއްހީ ޚިދުމަތްދޭ ފަރާތްތަކުގެ ރައްކަލަށްޓަކައި، ބަލިމަޑުކަން ފެތުރެމުންދާ ނިސްބަތަށް ބަލާ ތަފާތު ފިޔަވަޅުތައް އަޅަމުން އަންނަނީ.“ އޭޑީކޭއިން ދީފައިވާ ނޫސްބަޔާނެއްގައި ވަނީ ބުނެފަ އެވެ.
މީގެ އިތުރުން ހާލަތު އިތުރަށް ގޯސްވަމުންދިއުމާއެކު، ހޮސްޕިޓަލަށް އެނދުމަތިކޮށްގެން ފަރުވާދޭ ބަލި މީހުން ކައިރިއަށް ޒިޔާރަތް ކުރުން ހުއްޓާލާފައިވާ ކަމަށާއި އެނދުމަތި ކޮށްގެން ފަރުވާދޭ މީހުންގެ އެހީތެރިއެއްގެ ގޮތުގައި ދެން މަޑުކުރެވޭނީ އެންމެ ފަރާތަކަށް ކަމަށް ވެސް އެ ހޮސްޕިޓަލުގެ ބަޔާނުގައި ބުނެފައި ވެއެވެ.
އެމީހަކީ ކޮވިޑް-19ގެ އަލާމާތެއް ނެތް މީހަކަށް ވާންވާނެ ކަމަށާއި ބަލިމީހުންނާއި ސިއްހީ ޚިދުމަތްތެރިންގެ ސަލާމަތާ ރައްކާތެރިކަމަށްޓަކައި، މިކަމުގައި އާންމުންގެ އެއްބާރުލުން ކޮންމެހެންވެސް ބޭނުންވާކަމަށް އެ ހޮސްޕިޓަލުން ވަނީ ބުނެފަ އެވެ.
މީގެ އިތުރުން ބަލި މީހުން ކައިރީ ތިބުމަށް ހޮސްޕިޓަލުން ހުއްދަ ދީފައިވާ ފަރާތްތައް ފިޔަވައި އެހެން ބޭފުޅުން ހޮސްޕިޓަލަށް ނުދިއުމަށް ވެސް އޭޑީކޭ އިން ވަނީ ބުނެފަ އެވެ.
Due to the extreme surge in #Covid19 we have suspended visiting to admitted patients until further notice. Please adhere to our instructions and cooperate with us for the safety of patients and healthcare professionals. #StaySafe pic.twitter.com/1BVMeGRYQF
— ADK Hospital (@ADKHospital) May 9, 2021
މިލިޔުން ކިޔާލުމުން
