ނޭމާ ޕީއެސްޖީގެ އެއްބަސްވުން އާކޮށްފި
މިހާރުވެސް ޕީއެސްޖީއަށް ކުޅެމުން އަންނަ ބްރްެޒިލް ތަރި ނޭމާ އަނެއްކާވެސް ޕީއެސްޖީގެ އެއްބަސްވުން އާކޮށްފިއެވެ.
ނޭމާ މިފަހަރު ޕީއެސްޖީގެ އެއްބަސްވުން އާކުރީ އިތުރު ތިން އަހަރު އެކުލަބުގައި މަޑުކުރާ ގޮތަށެވެ.
މި އެއްބަސްވުން އާކުރުމާއި އެކު 2025 ވަނަ އަހަރުގެ ހޫނު މޫސުމުގެ ނިޔަލަށް ޕީއެސްޖީގައި ނޭމާ މަޑުކުރާނެއެވެ. މީގެ ކުރިން ނޭމާ ޕީއެސްޖީއާއެކު ހަދާފައި އޮތް އެއްބަސްވުން ހަމަވަން އޮތީ އަންނަ އަހަރުގެ ހޫނު މޫސުމުގެ ނިޔަލަށެވެ. ނޭމާ ސޮއިކުރި އައު އެއްބަސްވުމުގައިވާ ގޮތުން ނޭމާއަށް އަހަރަކު 30 މިލިއަން ޔޫރޯގެ މުސާރައެއް ލިބޭނެއެވެ.
މިހާރު އުމުރުން 29 އަހަރުގެ ނޭމާ ބާސެލޯނާ ދޫކޮށް ޕީއެސްޖީއާ ގުޅުނީ 2017 ވަނަ އަހަރުގައެވެ. ނޭމާ ޕީއެސްޖީއަށް ބަދަލުވީ ދުނިޔޭގެ ރިކޯޑު އަގެއް ކަމަށްވާ 222 މިލިއަން ޔޫރޯއަށެވެ.
ޕީއެސްޖީގައި މަޑުކުރަން ނޭމާ ނިންމިއިރު، އޭނާ ވަނީ މިހާތަނަށް އެ ޓީމަށް ކުޅެދިން 112 މެޗުގައި ވަނީ 85 ލަނޑު ކާމިޔާބުކޮށްފައެވެ. އަދި ވަނީ ޕީއެސްޖީއާއެކު މިހާތަނަށް ފްރެންޗް ލީގު ތިން ފަހަރު ކާމިޔާބުކޮށްފައެވެ. އަދި މީގެ އިތުރުން ޗެމްޕިއަނަސް ލީގު ފައިނަލަކާއި ސެމީ ފައިނަލެއްވެސް ކުޅެފައިވެއެވެ.
މިލިޔުން ކިޔާލުމުން
