ލަލީގާ: ބާސެލޯނާއާއި އެތްލެޓިކޯ މެޗު އެއްވަރު ވެއްޖެ
ސްޕެނިޝް ލީގުގައި ރޭ އެއްވަނައިގައި އެތުލެޓިކޯ މެޑްރިޑާއި، ބާސެލޯނާ ކުޅުނު މެޗު އެއްވެސް ޓީމަކަށް ލަނޑެއް ނުޖެހި އެއްވަރުވެގެން ނިމިއްޖެއެވެ.
ރޭގެ މަޗަކީ ދެޓީމަށްވެސް އެހާމެ މުހިންމުކަން ބޮޑު މެޗެކެވެ. އެގޮތުން ބާސާ އަށް މި މެޗުން މޮޅުވެގެން އެއްވަނައަށް އެރެން އޮތެވެ. އަދި އެތްލެޓިކޯއަށް މި މެޗުން މޮޅުވެގެން ޕޮއިންޓުގެ ލީޑެއް ނެގެން އޮތެވެ. ރޭގެ މެޗު އެއްވަރުވުމުން ތިންވަނާގައި އޮތް ރެއާލް މެޑްރިޑަށް އެ ފުރުސަތު ފަހިވީއެވެ.
މިރޭގެ ނަތީޖާ އާއެކު ޓޭބަލްގެ އެއްވަނައިގައި އެތުލެޓިކޯ އަށް ތިން ޕޮއިންޓްގެ ލީޑެއް ލިބުނު ނަމަވެސް މިރޭ ޓޭބަލްގެ ދެވަނައިގައި އޮތް ރެއާލް އާއި ހަތަރު ވަނައިގައި އޮތް ސެވިއްޔާ ވާދަކުރާ މެޗުން ރެއާލް މޮޅުވެއްޖެ ނަމަ ރެއާލް އަށް ޓޭބަލްގެ އެއްވަނަ ލިބޭނެ އެވެ.
މި މެޗުން ރެއާލް މޮޅުވެއްޖެނަމަ އެތުލެޓިކޯ އާއި ރެއާލް އަށް އޭރުން ޕޮއިންޓް ލިބިފައި އޮންނާނީ އެއްވަރަކަށެވެ. އެކަމަކު ރެއާލް އެއްވަނައަށް އަރަނީ ސްޕެނިޝް ލީގުގައި ޕޮއިންޓް އެއްވަރުވުމުން ކުރި ލިބޭ ޓީމެއް ކަނޑައަޅަނީ ހެޑް ޓު ހެޑް ނަތީޖާ އަށް ބަލައިގެން ކަމަށް ވާތީ އެވެ.
ރޭގެ މި ނަތީޖާ އާއެކު ބާސެލޯނާ ދެވަނާގައޮ އޮތީ 75 ޕޮއިންޓާއެކު އެކުގައެވެ. އެއްވަނާގައި 78 ޕޮއިންޓާއި އެކު އޮތީ އެތްލެޓިކޯ މެޑްރިޑްއެވެ. އެއް ޕޮއިންޓް ފަހަތުން ތިންވަނައިގައި އޮތީ ރެއާލް މެޑްރިޑެވެ.
މިލިޔުން ކިޔާލުމުން
