ކޮވިޑް-19: އަނެއްކާވެސް ރެކޯޑު އަދަދަކަށް ރާއްޖެއިން މީހުން ފައްސިވެއްޖެ، މިއަދު 508 މީހަކު ފައްސިވި
ރާއްޖެއިން މިއަދު އަނެއްކާވެސް ރެކޯޑް އަދަދަކަށް މީހުން ކޮވިޑަށް ފައްސި ވެއްޖެއެވެ. އެގޮތުން މިއަދު ރާއްޖެއިން ވަނީ 508 މީހަކު ފައްސިވެފައެވެ.
އެޗްޕީއޭގެ ތަފާސްހިސާބުތަކަށް ބަލާއިރު، މިއަދު 508 މީހަކު ފައްސި ވެފައިވާއިރު މާލެ ސަރަހައްދުން އެކަނި 276 މީހަކު ކޮވިޑަށް ފައްސިވެފައިވެއެވެ. އަދި އަތޮޅުތަކުން 185 މީހަކު ފައްސިވެފައިވާއިރު، ރިސޯޓްތަކުން 12 އަދި ލިވަބޯޑުތަކުން ތިނެއް އަދި އިންޑަސްޓްރިއަލް ރިސޯޓްތަކުން 32 މީހަކު ފައްސިވެފައިވެއެވެ.
އިޝްތިހާރު 
އަދަދުތަކަށް ބަލާލާއިރު އެކްޓިވް ކޭސްތަކުގެ އަދަދު 5594 އަށް މިވަނީ އަރާފައެވެ. އެޑްމިޓް ކޮށްގެން ފަރުވާދެމުން އަންނަ މީހުންގެ އަދަދުވެސް މިވަނީ 172 އަށް އަރާފައެވެ.
ރާއްޖެއިން މިބަލީގައި މިހާތަނަށް 73 މީހަކު ވަނީ މަރުވެފައެވެ.
މިލިޔުން ކިޔާލުމުން
