އެޗްޕީއޭގެ އުސޫލާއި ޚިލާފުވި ފުލުހަކު ޖޫރިމަނާކޮށް، ކަރަންޓީނު ކޮށްފި
ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ އުސޫލާއި ޚިލާފުވި ފުލުހަކު ޖޫރިމަނާކޮށް، ކަރަންޓީނު ކޮށްފިއެވެ.
އޭނާ ޖޫރިމަނާކޮށް، ކަރަންޓީނު ކުރީ އެޗްޕީއޭގެ އުސާލާއި ޚިލާފަށް ކުޅުދުއްފުށީ ސިޓީއަށް ދިއުމުން ނެވެ.
އެޗްޕީއޭގެ އުސޫލުގައިވާ ގޮތުން ކޮވިޑު ފެތުރިފައި އޮތް ރަށަކުން މީހުން ދިރިއުޅޭ އެހެން ރަށަކަށް ދަތުރުކުރާ ނަމަ، ހެލްތު މިނިސްޓްރީގެ ޕޯޓަލް މެދުވެރިކޮށް އެ ރަށެއްގެ ކައުންސިލްގެ ހުއްދަ ނަގަންޖެހެއެވެ. އަދި ކަރަންޓީނުވާން ޖެހޭ ތަނުގެ މައުލޫމާތު ވެސް ކައުންސިލާ ހިއްސާ ކުރަންޖެހެއެވެ.
ކުޅުދުއްފުށީ ސިޓީ ކައުންސިލުން ބުނެފައިވަނީ އުސޫލާ ޚިލާފަށް ފުލުސްމީހާ އެސިޓީއަށް ދިޔައީ އިއްޔެ ކަމަށެވެ. އަދި އެރަށު އެއަރޕޯޓުން އޭނާ ހިފަހައްޓައި، ކަރަންޓީނު ކޮށްފައިވާ ކަމަށެވެ.
އެމީހާއަކީ ކުޅުދުއްފުށި ސިޓީއަށް ނިސްބަތްވާ ފުލުހެއް ކަމަށް ވެސް އެސިޓީގެ ކައުންސިލުން ބުނެއެވެ.
ވެކްސިންގެ ދެ ޑޯޒް ހަމަކޮށް، ދެ ހަފުތާވެފައިވާ މީހުންނަށް ކަރަންޓީނުވެ، ރަށްރަށަށް ދެވޭ ގޮތަށް އުސޫލު ބަދަލުކޮށްފައި އޮތް ނަމަވެސް ރަށަށްދާއިރު ޕޯޓަލް މެދުވެރިކޮށް ރަޖިސްޓްރީވެ، އެކަން ކައުންސިލަށް އަންގަންޖެހެއެވެ.
މިލިޔުން ކިޔާލުމުން
