އިލްހާމް އަޙުމަދު ޕީޕީއެމްއަށް ސޮއިކުރައްވައިފި
ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު އިލްހާމް އަޙްމަދު ވެރިކަންކުރާ ޕީޕީއެމްއަށް ސޮއިކުރައްވައިފިއެވެ.
ޖުމްހޫރީ ޕާޓީގެ ޑެޕިއުޓީ ލީޑަރުކަމުގެ މަޤާމުގައި ހުންނެވި އިލްހާމް ޕީޕީއެމްއަށް ސޮއިކުރެއްވި އިރު، އޭނާގެ އަނބިކަނބަލުންވެސްވެސް ވަނީ ޕީޕީއެމްއަށް ސޮއިކުރައްވާފައެވެ.
އިލްހާމް ދެވަނަ ފަހަރަށް ޕީޕީއެމް އާގުޅިވަޑައިގަތްއިރު އޭނާ ވަނީ އެޕާޓީ އުފެއްދުމަށް ފަހު 2013 ވަނަ އަހަރު ބޭއްވި ފުރަތަމަ ޤައުމީ ޖަލްސާގައި އެޕާޓީގެ ނައިބު ރައީސްކަމަށް ވާދަކުރައްވާފައެވެ. އަދި އެންމެ ގިނަ ވޯޓު ހޯއްދަވައިގެން އިލްހާމް ވަނީ އެމަޤާމަށް ހޮވިވަޑައިގެންފައެވެ.
އަދި ކުރީގެ ރައީސް އަލްއުސްތާޛު މައުމޫނު ޢަބްދުލްޤައްޔޫމު އިސްކޮށް ހުންނަވައިގެން އުފެއްދެވި ދިވެހި ރައްޔިތުންގެ ޕާޓީ (ޑީއާރުޕީ)ގެ ނައިބު ރައީސްކަންވެސް އިލްހާމު ވަނީ ކުރައްވާފައެވެ.