386 މީހުން ކޮވިޑަށް ޕޮޒިޓިވް ވެ، ރާއްޖެެއިން ރެކޯޑެއް
ރާއްޖެއިން އެއްދުވަހާ އެންމެގިނަ މީހުން ކޮވިޑަށް ޕޮޒިޓިވް ވެ، ރާއްޖެއިން މިހައިތަނަށް ރެކޯޑު ޢަދަދަކަށް މީހުން ޕޮޒިޓިވް ވެއްޖެ އެވެ.
އެގޮތުން އެޗްޕީއޭގެ ތަފާސް ހިސާބުތަކަށް ބަލާ އިރު، ފާއިތުވި24 ގަޑިއިރުގެ ތެރޭގައި ރާއްޖެއިން ވަނީ 386 މީހުން ޕޮޒިޓިވް ވެފައެވެ.
މިއަދު މާލެ ސަރަހައްދުން 105 މީހުން ޕޮޒިޓިވް ވި އިރު، އަތޮޅުތެރޭގެ މީހުން ދިރިއުޅޭ ރަށްތަކުން 198 މީހަކު ވަނީ ޕޮޒިޓިވް ވެފައެވެ. އަދި ރިސޯޓުތަކުން ހަމީހަކާއި އިންޑަސްޓްރިއަލް ރަށްތަކުން 77 މީހުން ވެސް ވަނީ ޕޮޒިޓިވް ވެފަ އެވެ.
އެޗްޕީއޭ އިން ބުނީ 3،289 ސާމްޕަލް މިއަދު ކޯވިޑަށް ޓެސްޓުކޮށްފައިވާ ކަމަށެވެ. އަދި 4،0009 މީހަކަށް ކޯވިޑް ޖެހިގެން ފަރުވާ ދެމުން އަންނަ އިރު، އޭގެ ތެރެއިން 119 މީހަކަށް ފަރުވާ ދެމުން ދަނީ ހޮސްޕިޓަލްގައި އެޑްމިޓްކޮށްގެން ކަމަށް ވެސް އެޗްޕީއޭ އިން ބުނެއެވެ.
ކޯވިޑް ޖެހުނު މީހުންގެ ތެރެއިން މިދިޔަ 24 ގަޑިއިރު ތެރޭގައި 78 މީހަކު މި ބަލިން ރަނގަޅުވި އިރު، މިހައިތަނަށް ރާއްޖެއިން ވަނީ 24،499 މީހުން މިބަލިން ރަނގަޅުވެފަ އެވެ.
ކޯވިޑް ޖެހިގެން މިހާތަނަށް މަރުވެފައިވަނީ 71 މީހުންނެވެ. އަދި މިހާތަނަށް ރާއްޖެއިން ކޯވިޑް-19 އަށް ޕޮސިޓިވް ވެފައިވަނީ 28،588 މީހުންނެވެ.
މިލިޔުން ކިޔާލުމުން
