ކޮވިޑް-19: މާލޭ ޖަލުން ޕޮޒިޓިވް ވި ޢަދަދު 13 އަށް އަރައިފި
ރާއްޖޭގައި ކޮވިޑް-19 ފެތުރޭ މިންވަރު އަނެއްކާ ވެސް އިތުރުވެފައިވާ އިރު، މާލެ ޖަލުން 13 ގައިދީއަކު ކޮވިޑަށް ޕޮޒިޓިވްވެއްޖެ އެވެ.
މޯލްޑިވްސް ކަރެކްޝަނަލް ސަރވިސް އިން ބުނީ އިއްޔެ މާލެ ޖަލުގެ އެނެކްސް އެކަކުން ނެގި ސާމްޕަލްތަކުގެ ތެރެއިން 13 ސާމްޕަލެއް ޕޮޒިޓިވް ވެފައިވާ ކަމަށެވެ. އަދި އެއީ ގައިދީން ކަމަށެވެ.
13 ގައިދީން ކޮވިޑަށް ޕޮޒިޓިވްވުމާ ގުޅިގެން އެނެކްސް އެކެއް މިހާރު ލޮކްޑައުން ކޮށްފައިވާ ކަމަށާއި ކޮވިޑާ ގުޅޭ އުސޫލުގެ ދަށުން ކަނޑައެޅިފައިވާ ފިޔަވަޅުތައް އަޅަމުން ގެންދާ ކަަމަށް ވެސް އެ ކަރެކްޝަންސް އިން ބުންޏެވެ.
މިދިޔަ ބުރާސްފަތި ދުވަހު ކ. ހިންމަފުށީގައި ހުންނަ އައްސޭރި ޖަލާއި ކ. މާފުށީ ޖަލުން ކޮވިޑު ކޭސްތަކެއް ވެސް ވަނީ ފެނިފައެވެ. އެ ދެ ޖަލުން ޕޮޒިޓިވްވެފައި ވަނީ ދެ އޮފިސަރުންނެވެ.
އޭގެ އިތުރަށް ދޫނިދޫގައި ފުލުހުންގެ ބަންދުގައި ތިބި 14 މީހަކުވެސް އެ ދުވަހު ވަނީ ކޮވިޑަށް ޕޮޒިޓިވްވެފަ އެވެ.
މިލިޔުން ކިޔާލުމުން
