ރާއްޖެއިން މިއަދުވެސް 218 މީހަކު ކޮވިޑް-19 އަށް ފައްސިވެއްޖެ
ރާއްޖެއިން އިތުރު 218 މީހަކު ކޮވިޑް-19 އަށް ފައްސި ވެއްޖެ އެވެ. މިއަދު ފައްސިވި މީހުނާއެކު ރާއްޖޭގެ ކޮވިޑްއަށް ފައްސިވި މީހުންގެ އަދަުވަނީ 27،621 އަށް އަރާފަ އެވެ.
މިއަދުގެ އިރު އޮއްސުމާ ހަމައަށް އެޗްޕީއޭގެ ތަފާސްހިސާބުތަކަށް ބަލާއިރު، ކޮވިޑް ބަލި ޖެހުނު މީހުންގެ ތެރެއިން 108 މީހުންނަކީ މާލޭ ސަރަހައްދުން ބަލި ޖެހުނު މީހުނެވެ. މިއަދު ފައްސިވި މީހުންގެ ތެރެއިން 182 މީހުން ފައްސިވެފައިވަނީ އަތޮޅުތަކުގެ ތެރެއިންނެވެ. ރިސޯޓްތަކުން 21 މީހަކު ޕޮޒިޓިވްވެފައިވެއެވެ. އިންޑަސްޓްރިއަލް މަސައްކަތް ކުރާ ރަށްތަކުން 8 މީހަކު ފައްސިވެފައިވެއެވެ.
މިވަގުތު ރާއްޖޭގައި ކޮވިޑު ބަލީގައި ރަނގަޅު ނުވެ ތިބި މީހުންގެ ޖުމްލަ އަދަކީ 3،207 އެވެ. މިހާތަނަށް 24،116 މީހުން ވަނީ ކޮވިޑުން ރަނގަޅުވެފަ އެވެ. މިވަގުތު ވެސް ހޮސްޕިޓަލްގައި އެޑްމިޓްކޮށް 71 މީހަކަށް ދަނީ ފަރުވާ ދެމުންނެވެ. ކޮވިޑް ޖެހިގެން ރާއްޖެއިން މިހާތަނަށް 62 މީހަކު ވަނީ މަރުވެފައެވެ.
ރާއްޖެއިން އިންޔެވެސް 319 މީހަކު ވަނީ ކޮވިޑަށް ފައްސިވެފައެވެ.
މިލިޔުން ކިޔާލުމުން
