ގަން ރީޖަނަލް ހޮސްޕިޓަލުން ކޮވިޑް ވެކްސިން ޖެހުން ވަގުތީގޮތުން ހުއްޓާލައިފި

ލ. ގަން ރީޖަނަލް ހޮސްޕިޓަލުން ކޮވިޑް ވެކްސިން ޖެހުން ވަގުތީގޮތުން ހުއްޓާލައިފި އެވެ.

އެ ހޮސްޕިޓަލުން ބުނީ ކޮވިޑް ވެކްސިންގެ ފުރަތަމަ އަދި ދެވަނަ ޑޯޒު ޖެހުން ވަގުތީގޮތުން މިހާރު ހުއްޓާލާފައިވާ ކަމަށެވެ.

އިޝްތިހާރު

އެގޮތަށް ނިންމީ ލ. ގަމުން ކޮވިޑަށް ކޮވިޑަށް ބަޔަކު ޕޮޒިޓިވް ވުމާއިގުޅިގެން މިވަގުތު ހޮސްޕިޓަލުގެ ފަރާތުން ޢާންމު ރައްޔިތުންގެ ރައްކާތެރިކަމަށް އަޅަމުންދާ ފިޔަވަޅުތަކުގެ ތެރެއިން ކަމަށް ވެސް އެ ހޮސްޕިޓަލުން ބުނެ އެވެ.

މާންދޫ ކްލަސްޓަރ އާއި ގުޅުންހުރި ތިން މީހަކު ލ. ގަމުން ޕޮޒިޓިވްވުމާއެކު މާންދުއާއި ގުޅިފައިވާ ލ. ގަމާއި ލ. ފޮނަދުއަށް އަރާ ފޭބުން މިހާރުވަނީ މަނާކޮށްފަ އެވެ.

މާންދޫން 8 މީހަކު ޕޮޒިޓިވް ވިތާ އެއް ދުވަސްގެ ތެރޭގައި ގަމުން ތިން މީހަކު ވަނީ ޕޮޒިޓިވް ވެފައެވެ. އަދި ގަމާއި ފޮނަދުއަށް އަރާފޭބުމާއި ގަމުގެ އެއް އަވަށުން އަނެއް އަވަށަށް ދިއުންވެސް ވަނީ މަނާކޮށްފަ އެވެ.

ގަމުން ތިން މީހަކު ޕޮޒިޓިވް ވުމާއެކު، މާންދޫ ކްލަސްޓަރ އިން ޕޮޒިޓިވް ވި އަދަދު މިހާރުވަނީ 11 އަށް އަރާފަ އެވެ.