އޭދަފުށީގައި ދެ ކްލަސްޓަރއެއް، މި މަހު އެކަކުން ފެށިގެން އެރަށުގައި އުޅުނު މީހުން ކަރަންޓީނުވާން އަންގައިފި
ބ. އޭދަފުށީގައި ކޮވިޑުގެ ދެ ކްލަސްޓަރއެއް އުފެދި، މި މަހު އެކަކުން ފެށިގެން އެރަށުގައި އުޅުނު މީހުން ކަރަންޓީނުވާން އެޗްޕީއޭ އިން އަންގައިފި އެވެ.
އެރަށުން ފުރަތަމަ ޕޮޒިޓިވް ވީ އެރަށު ފްލޫ ކުލިނިކަށް ދެއްކި މީހެއް މިމަހުގެ 19 ވަނަ ދުވަހު އެވެ. އެމީހާ ޕޮޒިޓިވްވުމާއި ގުޅިގެން އެރަށް ވަނީ އެދުވަހު މޮނީޓަރިންގެ ހާލަތަށް ގެނެސްފައެވެ.
އޭގެ ފަހުން ބަލީގެ އަލާމާތް ހުރެގެން އެ ރަށު ފުލޫ ކްލިނިކަށް ދެއްކި އިތުރު މީހަކުވެސް ވަނީ ކޮވިޑަށް ޕޮޒިޓިވް ވެފައެވެ.
އެހެންކަމުން އެރަށުގައި މިވަގުތު ދެ ކުލަސްޓަރއެއް އުފެދިފައިވާ އިރު، މި ދެ ކުލަސްޓަރއިން ރޭ ދަންވަރާ ހަމައަށް 37 މީހަކު ވަނީ ޕޮޒިޓިވްވެފަ އެވެ.
އެޗްޕީއޭ އިން ބުނީ، މިމަހުގެ 1 ވަނަ ދުވަހުގެ ފަހުން އެެރަށުގައި އުޅެފައިވާ އަތޮޅުތެރޭގެ އެއްވެސް ރަށަކަށް ގޮސްފައިވާ ފަރާތެއްވާނަމަ، ވީ އެންމެ އަވަހަކަށް އެރަށެއްގެ ހޮސްޕިޓަލް/ހެލްތު ސެންޓަރަށް އެންގުމަށް އެދޭ ކަމަށެވެ. އަދި އެ ތާރީޚުގެ ފަހުން އޭދަފުއްޓަށް ގޮސްފައިވާ ފަރާތެއްވާނަމަ، އަނބުރާ ރަށަށް އައި ދުވަހުން ފެށިގެން 10 ދުވަސް ވަންދެން ކަރަންޓީނުގައި ތިބުމަށް ވެސް ވަނީ އެދިފަ އެވެ.
މީގެ އިތުރުން އެ މުއްދަތުން ފެށިގެން 10 ދުވަސް ހަމަވެފައިވާ މީހުންވެސް ސާމްޕަލެއް ނަގައި ޓެސްޓުކުރުމަށް ވެސް އެޗްޕީއޭ އިން ވަނީ އަންގާފަ އެވެ.
މިލިޔުން ކިޔާލުމުން
