ޒިކުރާ މިސްކިތް ހުރި ބިމުގައި އަޅާ ވަގުތީ މިސްކިތް އަންނަ ހުކުރުގައި ހުޅުވަނީ
ޒިކުރާ މިސްކިތް ހުރި ބިމުގައި އަޅާ ވަގުތީ މިސްކިތް އަންނަ ހުކުރުގައި ހުޅުވޭވަރުވާނެ ކަމަށް އިސްލާމިކް މިނިސްޓްރީން ބުނެފި އެވެ.
އެ މިނިސްޓްރީގެ ޓްވީޓެއްގައި ބުނެފައިވަނީ ވަގުތީ މިސްކިތުގެ ތަޅުން އަޅައި ހިޔާކޮށް ނިމިފައިވާ ކަމަށެވެ.
މަޖީދީމަގުގައި އޮތް އެ ބިމުގައި ވަގުތީ މިސްކިތެއް އަޅަން ކޮންނަމުން ދަނިކޮށް މި މަހު 6 ވަނަ ދުވަހު މިނިކަށިތަކެއް ވަނީ ފެނިފަ އެވެ. އަދި އެ ތަނުން އާސާރީ ތަކެތި ވެސް ފެނި، އެ ތަކެތި ރައްކާތެރި ކުރެވެންދެން، މިސްކިތުގެ މަސައްކަތް ހެރިޓޭޖު މިނިސްޓްރީން ވަގުތީގޮތުން ހުއްޓުވާފައި ވެއެވެ.
ނަމަވެސް ކަނޑައަޅާފައިވާ އުސޫލުތަކާ އެއްގޮތަށް މިސްކިތް އެޅުމުގެ މަސައްކަތް ކުރަމުންދާ ކަމަށް މިނިސްޓްރީން އޭރު ވަނީ ބުނެފަ އެވެ.
ރައީސުލް ޖުމްހޫރިއްޔާގެ ނައިބު ފައިސަލް ނަސީމް ޒިކުރާ މިސްކިތް ހުރި ބިމުގައި އަޅާ ވަގުތީ މިސްކިތުގެ މަސައްކަތް ހިނގަމުންދާގޮތް މިއަދު ބައްލަވާ ލައްވައިފި. މިސްކިތް މިހާރު ހުރީ ތަޅުން އަޅާ ހިޔާކޮށް ނިމިފައި. މި ހުކުރުގައި ނަމާދުކުރަންފެށޭވަރުވާނެ.
إن شاء الله pic.twitter.com/fq7AgEKYT5— Ministry of Islamic Affairs (@MVIaffairs) April 21, 2021
އެ މިސްކިތުގެ މަސައްކަތް ހިނގަމުންދާ ގޮތް ނައިބު ރައީސް ފައިސަލް ނަސީމާއި އިސްލާމިކް މިނިސްޓަރު ޑރ. އަހްމަދު ޒާހިރު އަލީ މިއަދު ވަނީ ބައްލަވާލައްވާފައެވެ.
މި މިސްކިތަކީ އިސްލާމިކް މިނިސްޓްރީ އާއި ސަރުކާރު ހިއްސާވާ ކުންފުނިތައް ގުޅިގެން އަޅާ މިސްކިތެކެވެ.
މިލިޔުން ކިޔާލުމުން
