މާލޭ ހުކުރު މިސްކިތު މުންނާރު ސާފުކޮށް، އުވަލައިފި

މާލޭ ހުކުރު މިސްކިތު މުންނާރު ސާފުކޮށް، އުވަލައިފި އެވެ.

ހެރިޓޭޖު މިނިސްޓްރީން ބުނީ  މާލޭ ހުކުރު މިސްކިތާއި މެދުޒިޔާރަތް ސާފުކޮށް، ޒީނަތްތެރި ކުރުމުގެ މަސައްކަތުގެ ތެރެއިން ކުރި މި މަސައްކަތް މިހާރު ނިންމާލާފައިވާ ކަމަށެވެ. އަދި މިއީ ރަމަޟާން މަހަށް އާސާރީ މިސްކިތްތަކާއި ބިނާތައް ޒީނަތްތެރިކުރުމުގެ ގޮތުން ހެރިޓޭޖް މިނިސްޓްރީން ސްޓެލްކޯއާ ގުޅިގެން ކުރި މަސައްކަތެއް ކަމަށެވެ.

އިޝްތިހާރު

ސްޓެލްކޯގެ ސީއެސްއާރުގެ ދަށުން ކުރިއަށް ގެންދިޔަ މި މަސައްކަތް މިމަހުގެ ހަވަނަ ދުވަހު ފައްޓަވައިދެއްވީ މިނިސްޓަރ އޮފް އާރޓްސް ކަލްޗަރ އެންޑް ހެރިޓޭޖް ޔުމްނާ މައުމޫނާއި ސްޓެލްކޯގެ މެނޭޖިންގ ޑިރެކްޓަރ ހަސަން މުޣުނީ އެވެ.

ސްޓެލްކޯއިން މީގެ ކުރިންވެސް ވަނީ މުންނާރު ސާފުކުރުމުގެ މަސައްކަތް ކޮށްފައިވާ އިރު، މި މަސައްކަތް ކުރިއަށް ގެންގޮސްފައިވަނީ ކަމާގުޅޭ ފަންނީ މާހިރުންގެ އެހީތެރިކަމާއި އެކުގައި ކަމަށް ސްޓެލްކޯއިން ބުނެއެވެ.

ތަރިކަ ރައްކާތެރިކޮށް ބެލެހެއްޓުމަށް ސްޓެލްކޯއިންކުރަމުންގެންނދާ ގިނަގުނަ މަސައްކަތްތަކަށް މިނިސްޓަރ ޔުމްނާ ވަނީ ޝުކުރު އަދާކުރައްވާފައެވެ