ގިނަ މީހުން އެއްވެ އުޅުން އަދިވެސް ރަނގަޅެއް ނޫން: އެޗްޕީއޭ
ގިނަމީހުން އެއްވެ އުޅުން އަދިވެސް ރަނގަޅު ނޫން ކަމަށް އެޗްޕީއޭ އިން ބުނެފި އެވެ.
އެޗްއީއޯސީގެ ތަރުޖަމާން ޑރ. ނަޒްލާ ރަފީގު ވިދާޅުވީ ރޯދަ ވިއްލުންތައް ފަދަ، މީހުން އެއްވެގެން ކުރާ ކަންކަން ކުރުން އަދިވެސް ރަނގަޅެއް ނޫން ކަމަށެވެ.
”މާރުކޭޓްތަކާއި ފިހާރަތަކަށް ވެސް އެއްފަހަރާ ވަދެވޭ އަދަދަށްވުރެ ގިނައިން މީހުން ނުވަނުމަށް އިލްތިމާސް ކުރަން. އަދި މާސްކު އެޅުމާއި ގައިދުރުކަން ބެހެއްޓުމުގެ މުހިންމުކަން ހަނދާންކޮށްދެން. އަދި ފިހާރަތަކަށް ވަނުމަށްފަހު އެއްޗެހީގައި އަތް ލުމުގެ ކުރިންނާއި، ފިހާރައިން ނުކުތުމަށްފަހުވެސް އަތް ސާފުކުރަން ހަނދާން ކުރަންވާނެ.“ ޑރ. ނަޒްލާ ވިދާޅުވި އެވެ.
މީގެ އިތުރުން މި ރަމަޟާން މަހާ ބައްދަލު ކުރިއިރުވެސް ‘ކޮވިޑް އަހަރެމެންނާ ވަކިނުވާ’ ކަމަށާއި ބައްޔަށް ސަމާލުވުމާއި ބަލިން ރައްކާތެރިވުމަށް މަސައްކަތް ކުރުމަކީ މިހާރުވެސް ވަރަށް މުހިންމު ކަމެއް ކަމަށް ޑރ. ނަޒްލާ ވިދާޅުވި އެވެ. އަދި ފެރީތަކުގައި ދަތުރު ކުރާ ފަރާތްތަކުން ގައިދުރުކަން ބެހެއްޓުމަށް ސަމާލުވުމަށް ވެސް ޑރ. ނަޒްލާ ވަނީ އިލްތިމާސްކުރައްވާފަ އެވެ.
މިލިޔުން ކިޔާލުމުން
