ޕީސީއާރް ޓެސްޓުގެ އަގުތަކަށް ހެޔޮ ބަދަލުތަކެއް އަންނަނީ
ރާއްޖޭގައި ހަދާ ޕީސީއާރް ޓެސްޓުގެ އަގުތަކަށް އަނެއްކާ ވެސް ހެޔޮ ބަދަލުތަކެއް އަންނަން އުޅޭ ކަމުގެ ޢިޝާރާތެއް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފި އެވެ.
ހެލްތް އިމަޖެންސީ އޮޕަރޭޝަން ސެންޓަރ (އެޗްއީއޯސީ) އިން މިއަދު ބޭއްވި ނޫސްވެރިންގެ ބައްދަލުވުމުގައި އެޗްއީއޯސީގެ ތަރުޖަމާން ޑރ. ނަޒްލާ ރަފީގު ވިދާޅުވީ ޕީސީއާރު ޓެސްޓްގެ އަގު އިތުރަށް ހެޔޮކުރަން ސަރުކާރުން މަސައްކަތް ފަށާފައިވާ ކަމަށެވެ.
“ ޕީސީއާރް ޓެސްޓުގެ އަގުތަކަށް އަންނާނެ ހެޔޮ ބަދަލު، އަވަސް މުސްތަގުބަލެއްގައި ހާމަ ކުރާނެ.“ ޑރ. ނަޒްލާ ވިދާޅުވި އެވެ.
ރާއްޖޭގައި ޕީސީއާރް ޓެސްޓް ހަދާ އަގު އެންމެ ފަހުން ހެޔޮކޮށްފައި ވަނީ2021 މާރޗް9 ވަނަ ދުވަހުއެވެ.
އެދުވަހުން ފެށިގެން ޓްރީ ޓޮޕް ހޮސްޕިޓަލުން ދިވެހިންނަށާއި ވޯކް ޕަރމިޓް ހޯލްޑަރުންނަށް ޓެސްޓު ހަދައިދެނީ 699 ރުފިޔާ އަށެވެ. އަދި ފަތުރުވެރިންނަށް ޕީސީއާރް ހެދޭނީ 45 ޑޮލަރަށެވެ.
އޭޑީކޭ ހޮސްޕިޓަލުން ދިވެހިންނަށް ޕީސީއާރު ޓެސްޓެއް 700 ރުފިޔާއަށް ހަދައިދޭ އިރު، ޓޫރިސްޓުންނަށް ޓެސްޓު ހަދައިދެނީ 45 ޑޮލަރަށެވެ.
މިލިޔުން ކިޔާލުމުން
