ޓްރާންސްޕޯޓު އޮތޯރިޓީ އުވާލުމުގެ ބިލު 56 މެމްބަރުންގެ އިއްތިފާގުން ކޮމެޓީއަށް ފޮނުވަނީ

ޓްރާންސްޕޯޓު އޮތޯރިޓީ އުވާލުމުގެ ބިލު 56 މެމްބަރުންގެ އިއްތިފާގުން ކޮމެޓީއަށް ފޮނުވަން ރައްޔިތުންގެ މަޖިލީހުން ފާސްކޮށްފި އެވެ.

އެއްގަމު ދަތުރުފަތުރުގެ ގާނޫނުން ޓްރާންސްޕޯޓް އޮތޯރިޓީ އުނިކުރުމަށް ހުށަހަޅާފައިވާ ބިލު ގައުމީ ތަރައްގީއާއި ތަރިކަ ކޮމިޓީ އަދި ލާމަރުކަޒީ ކޮމިޓީގެ ޖޮއިންޓް ކޮމިޓީއަކަށް ފޮނުވުމަށް ރައްޔިތުންގެ މަޖިލީހުން މި ބިލު ކޮމިޓީއަށް ފޮނުވާފައިވަނީ އެކަމަށް ނެގުނު ވޯޓުގައި ބައިވެރިވި 56 މެންބަރުންގެ އިއްތިފާގުންނެވެ.

އިޝްތިހާރު

ސަރުކާރުގެ ފަރާތުން، މާފަންނު ހުޅަނގު ދާއިރާގެ މެންބަރު މުހައްމަދު ފަލާހު ހުށަހަޅުއްވާފައިވާ މި ބިލުގައި ވަނީ އެއްގަމު ދަތުރުފަތުރުގެ ގާނޫނުގެ 3.1 ވަނަ މާއްދާގެ (ހ)ގެ ތިންވަނަ ނަންބަރުގައިވާ މޯލްޑިވްސް ޓްރާންސްޕޯޓް އޮތޯރިޓީ އެ ގާނޫނުން އުނި ކުރުމަށާއި ހަމަ އެ ގާނޫނުގެ 70 ވަނަ މާއްދާގެ (ސ)ގެ ފަސްވަނަ ނަންބަރު އަށް އިސްލާހު ގެނައުމަށެވެ. މި އިސްލާހާއެކު އެ ނަންބަރުގައިވާ ޓްރާންސްޕޯޓް އޮތޯރިޓީއާއި އެ އޮތޯރިޓީން ކަނޑައަޅާ އިދާރާތަކުން، ހުއްދަ ނުނަގައި، އެއްގަމު ދަތުރުފަތުރުގެ ނިޒާމުގެ ތެރޭގައި ރޭސްޖަހަން ދުއްވުމާއި ހުނަރު ދެއްކުމުގެ ގޮތުން އެއްގަމު އުޅަނދު ދުއްވުން މިނިސްޓްރީންނާއި މިނިސްޓްރީން ކަނޑައަޅާ އިދާރާތަކުން، ހުއްދަ ނުނަގައި، އެއްގަމު ދަތުރުފަތުރުގެ ނިޒާމުގެ ތެރޭގައި ރޭސްޖަހަން ދުއްވުމާއި ހުނަރު ދެއްކުމުގެ ގޮތުން އެއްގަމު އުޅަނދު ދުއްވުމަށް ބަދަލު ވެގެން ދާނެއެވެ.

މި އިސްލާހު މަޖިލީހަށް ހުށަހަޅާފައި ވަނީ މޯލްޑިވްސް ޓްރާންސްޕޯޓް އޮތޯރިޓީގެ ގާނޫނު އުވާލުމުގެ ބިލް ސަރުކާރުގެ ފަރާތުން މަޖިލީހަށް ހުށަހެޅުއްވީ ވައިކަރަދޫ ދާއިރާގެ މެމްބަރު ހުސައިން ޒިޔާދެވެ.