ސްޕެޝަލް އޮލިމްޕިކްސްގައި ބައިވެރިވާ ރާއްޖޭގެ ދެޓީމު އިންޑިއާއަށް ފުރައިފި
ސްޕެޝަލް އޮލިމްޕިކްސްގައި ބައިވެރިވާ ރާއްޖޭގެ ދެޓީމު އިންޑިއާއަށް މިއަދު ހެނދުނު ފުރައިފިއެވެ.
އޭޝިއާ ބައްރުގައި ބާއްވާ ސްޕެޝަލް އޮލިމްޕިކްސް އިންޓަރނޭޝަނަލް ފުރަތަމަ ފުޓުބޯޅަ މުބާރާތުގައި ރާއްޖޭގެ ފަރާތުން ބައިވެރިވަނީ އަންހެން އަދި ފިރިހެން ފުޓްބޯޅަ ޓީމެކެވެ.
މި މަހުގެ 3 އިން 6 އަށް އިންޑިއާގެ ޗެންނާއީގައި އޮންނަ މި މުބާރާތުގައި ރާއްޖޭގެ ފަރާތުން ބައިވެރިވާ ކޮންމެ ޓީމެއްގައި 8 ކުޅުންތެރިން ހިމެނެއެވެ.
މި މުބާރާތުގައި 15 އަށް ވުރެ ގިނަ ޤައުމުން 250 އަށްވުރެ ގިނަ ސްޕެޝަލް އެތްލީޓުން ވާދަކުރެއެވެ.