އައިއޯއައިޖީގެ އެތްލީޓުން މާދަމާ ރާއްޖެއަންނަނީ. މަރުޙަބާކިޔުމަށް ވީހާވެސް ގިނަބަޔަކު ދިއުންއެދެން.
އިންޑިއަން އޯޝަން އައިލެންޑް ގޭމްސްގައި ރާއްޖެއިން ވާދަކުރި އެތްލީޓުން މާދަމާ ރާއްޖެއަންނާނެކަމަށް ޔޫތް އެންޑް ސްޕޯޓްސް މިނިސްޓަރ އަޙްމަދު މަޚްލޫފް ވިދާޅުވެއްޖެއެވެ.
އެމަނިކުފާނު ކުރެއްވި ޓްވީޓެއްގައި ވިދާޅުވެފައިވަނީ މާދަމާ ހަވީރު އެތްލީޓުން ރާއްޖެ އަންނާނެ ކަމަށެވެ. އަދި ވީހާވެސް ގިނަ އެތްލީޓުންނަށް މަރުޙަބާ ކިޔުމަށް ޖުމްހޫރީ މައިދާނަށް ދިއުމަށް އެދޭ ކަމަށެވެ.
އައިއޯއައިޖީގައި މިއަހަރު ރާއްޖެއިން ކަނޑައެޅި އަމާޒަކީ 15 މެޑެލް ހޯދުމެވެ. އެ އަމާޒު ވަނީ ހާޞިލުކޮށްފައެވެ.
މޮރިޝަސްގައި ބޭއްވި މި ގޭމްސްގައި 10 ކުޅިވަރެއްގައި ރާއްޖެއިން ވަނީ ބައިވެރިވެފައެވެ. އަދި ގިނަ ކާމިޔާބީތަކެއްވެސް ހޯދާފައެވެ.
އޭގެތެރޭގައި އަންހެން ޓީޓީ ކުޅުންތެރިންނާއި ބެޑްމިންޓަން ޓީމު ފާހަގަކޮށްލެވެއެވެ. އެގޮތުން އަންހެން ޓީޓީ ޓީމުން ތިން ރަން މެޑައްޔާއި ދެ ރިހި މެޑެއްޔާއި ލޯ މެޑައްޔެއް ހޯދާފައިވާ އިރު، ބެޑްމިންޓަން ޓީމުން ވަނީ ރަން މެޑައްޔަކާއި ރިހި މެޑައްޔަކާއި ދެ ލޯ މެޑެލް ހޯދާފައެވެ.
އެތްލީޓުން ރާއްޖެއައުމަށް ހަމަޖެހިފައިވަނީ މާދަމާ ހަވީރު 16:00ގައެވެ.
މިލިޔުން ކިޔާލުމުން
