ރާއްޖޭގެ އެކި ހިސާބަށް މިއަދުވެސް ވިއްސާރަކުރާނެ: މެޓް އޮފީސް

ރާއްޖޭގެ އެކި ހިސާބުތަކަށް މިއަދުވެސް ވިއްސާރަކުރާނެ ކަމަށް ރާއްޖޭގެ މޫސުމާއިބެހޭ ޤައުމީ އިދާރާއިން ބުނެފިއެވެ.

މެޓް އޮފީހުން ބުނީ މޫސުން ބޮޑަށް ގޯސްވާނީ އުތުރާއި މެދުތެރޭގެ ހިސާބުތަކަށް ކަމަށާއި މިއަދު ހެނދުނު 10:00 އިން މާދަމާގެ ހެނދުނު 10:00 އަށް ރާއްޖޭގެ އެކިހިސާބަށް ވިއްސާރަކޮށް ގުގުރުން އެކަށީގެންވާ ކަމަށެވެ.

އިޝްތިހާރު

މީގެއިތުރުން އުތުރާއި މެދުތެރޭގެ ބައެއް ރަށްތަކަށް ބޯކޮށް ވާރޭވެހުމަކީވެސް އެކަށީގެންވާ ކަމެއް ކަމަށާއި ވައިޖެހޭނީ ހުޅަނގުދެކުނާއި ހުޅަނގުން ދެކުނުގެ އަތޮޅުތަކަށް ގަޑިއަކު 13 މޭލާއި 23 މޭލާއި ދެމެދުގެ ބާރުމިނުގައި ކަމަށެވެ.

ވިލާގަނޑުގައި ގަޑިއަކު 40 މޭލާއި 45 މޭލާއި ދެމެދުގެ ބާރުމިނުގައި ވައިޖެހޭކަމަށް ލަފާކުރެވޭ ކަމަށާއި ކަނޑުތައް އާއްމުގޮތެއްގައި ގަދަވާނެ ކަމަށްވެސް ވަނީ ބުނެފައެވެ.

މޫސުމަށް ސަމާލުކަންދީގެން ދަތުރުފަތުރު ކުރުމަށް މެޓް އޮފީހުން އިލްތިމާސްކޮށްފައިވާ އިރު، ދިޔަވަރު ބޮޑުވާ ގަޑިތަކުގައި ދެކުނާއި މެދުތެރޭގެ ބައެއް ރަށްތަކަށް އުދައިގެ އަސަރު ކުރުމަކީ އެކަށީގެންވާ ކަމެއް ކަމަށްވެސް މެޓް އޮފީހުން ވަނީ ބުނެފައެވެ.