އަގުހުރި އިނާމުތަކާއެކު އެސްޓީއޯ ޕަވަރމިކްސް ޕްރޮމޯޝަން ފަށައިފި

ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ކޮންސްޓްރަކްޝަން މެޓީރިއަލްސްއިން މޯލްޑިވިއަންގެ އެހީތެރިކަމާއެކު ބާއްވާ މި ޕޮރޮމޯޝަން އޮންނާނީ މިއަދުން ފެށިގެން 10 ޑިސެމްބަރުގެ ނިޔަލަށެވެ.

މި ޕްރޮމޯޝަންގައި ލިބޭ އިނާމްތަކުގެތެރޭގައި އެއްވަނައަށްދާ ފަރާތަކަށް 55 އިންޗީގެ ހިޓާޗީ އެލްއީޑީ ޓީވީއެއް ލިބޭނެއެވެ. އަދި ދެވަނައަށްދާ ފަރާތަކަށް ހިޓާޗީ އައިސްއަލަމާރިއެއް ލިބޭ އިރު، 3 ވަނައަށްދާ ފަރާތަކަށް ހިޓާޗީ ޓްވިން ޓާރބޯ ދޮންނަ މެޝިނެއް ލިބޭނެއެވެ.

އިޝްތިހާރު

މީގެ އިތުރުން މި 3 ފަރާތަށް މޯލްޑިވިއަންގެ ފަރާތުން ސްޕޮންސަރ ކޮށްފައިވާ ލަންކާ ދެކޮޅު ޓިކެޓުވެސް ހިމެނެއެވެ.

އެސްޓީއޯގެ މެނޭޖިންގ ޑިރެކްޓަރ އަޙުމަދު ޝަހީރު އިފްތިތާޙު ކޮށްދެއްވި މި ޕްރޮމޯޝަން މައިގަނޑު ބޭނުމަކީ އެސްޓީއޯ އިން އަލަށް ދެމުންއަންނަ ޕަވަރމިކްސް ބްރޭންޑުގެ ރެޑީމިކްސް ކޮންކްރިޓް އިސްތިހާރުކޮށް އެއަށް ޢާންމުންގެ ތެރޭގައި ހޭލުންތެރިކަން އުފައްދައި ރެޑީމިކްސް ކޮންކްރިޓްގެ މަޤްބޫލުކަން އިތުރުކުރުމެވެ.

ރެޑީމިކްސް ކޮންކްރިޓް ބޭނުންކުރުމުން ލިބިގެންދާ ފަސޭހަތަކުގެތެރޭގައި މަސައްކަތުގެ ވަގުތާއި ކުރަންޖެހޭ ހޭދަކުޑަވުމާއި ކޮންކްރިޓްގެ ކޮލިޓީ ޔަޤީންވެ އޭގެ ފެންވަރު ދެމެހެއްޓެއެވެ. އަދި މަގުމަތީ ބަސްތާތައް ޖައްސަން ނުޖެހުމާއި މަގު ބަންދުކޮށްގެން އެ ސައިޓެއްގައި ކޮންކްރިޓް މަސައްކަތް ކުރުމުން ލިބޭ އިޖްތިމާޢީ ތިމާވެށި އަދި ސިއްޙީ ގެއްލުންތައް ކުޑަކުރުން ހިމެނެއެވެ.