ނައިބޮލި ބިޒްނަސް އެކްސްޕޯގައި ފިޝަރީޒް މިނިސްޓްރީއިން ބައިވެރި ވެއްޖެ

ނައިފަރުގައި ކުރިޔަށް ގެންދިޔަ ނައިބޮލި ބިޒްނަސް އެކްސްޕޯ 2026 ގައި މިނިސްޓްރީ އޮފް ފިޝަރީޒް، އެގްރިކަލްޗަރ އެންޑް އޯޝަން ރިސޯސަސް އިން ބައިވެރިވެއްޖެއެވެ،

ފާދިއްޕޮޅު ނައިފަރު ކައުންސިލުން އިންތިޒާމުކޮށްގެން، އޮކްޓޯބަރު 2 އިން 3 އަށް ޅ. ނައިފަރުގައި ކުރިއަށްގެންދިޔަ މި އެކްސްޕޯއަކީ އެރަށުގެ ވިޔަފާރިވެރިންނާއި، ކުދި ވިޔަފާރިތަކާއި، އުފެއްދުންތެރި ފަރާތްތަކަށް އެފަރާތްތަކުގެ އުފެއްދުންތަކާއި ޚިދުމަތްތައް ޕްރޮމޯޓްކޮށް، މާކެޓްކޮށް، ވިއްކުމުގެ އިތުރުން ވިޔަފާރި ފުޅާކުރުމުގެ ފުރުޞަތުތައް ހޯދައިދިނުމަށް ކުރިއަށްގެންދިޔަ މުހިންމު ޕްލެޓްފޯމެކެވެ. ”އެކްސްޕްލޯރ. ކަނެކްޓް. ގްރޯ“ މި ޝިއާރުގެ ދަށުން ކުރިއަށްދިޔަ މި އެކްސްޕޯގައި މިނިސްޓްރީން ބައިވެރިވީ އާންމުންނާ ގުޅުންބަދަހިކޮށް، ދަނޑުވެރިކަމާއި މަސްވެރިކަމުގެ ސިނާއަތް ކުރިއެރުވުމަށް ކުރަމުންދާ މުހިންމު މަސައްކަތްތައް ދައްކާލުމަށެވެ.

އިޝްތިހާރު

މިނިސްޓްރީގެ ސްޓޯލަށް ޒިޔާރަތްކުރި ފަރާތްތަކަށް މަޢުލޫމާތު ދެވިފައިވާ މައިގަނޑު ކަންކަން:

• ދަނޑުވެރި ނަފާ ލޯނު

• އާރް.އެސް.ޑަބްލިއު (RSW) ޕްރޮޖެކްޓް:

• ގަހާއި ޖަނަވާރު އެތެރެކުރުމުގެ އުސޫލުތަކާއި ހުއްދަތައް

• ފިޝަރީޒް މާކެޓިންގ ކޯޕަރޭޝަންގެ މަސައްކަތްތައް:

މި މުހިންމު ސިނާއަތްތަކުގައި ކުރިއަށްދިއުމަށް ނުވަތަ ވިޔަފާރި ފުޅާކުރުމަށް މިނިސްޓްރީގެ ޚިދުމަތްތަކުން އެހީތެރިވެދެވޭނެ ގޮތްތައް އޮޅުންފިލުވުމަށް މިނިސްޓްރީގެ ސްޓޯލަށް ޒިޔާރަތްކުރި އެންމެހާ ފަރާތްތަކާއި ވިޔަފާރިވެރިންނާ ބައްދަލުވެ މަޢުލޫމާތު ހިއްސާކުރުމަކީ މިނިސްޓްރީއަށް ލިބުނު ވަރަށް ބޮޑު އުފަލެކެވެ.