ތުއްތޮންބެ ކަޕްގެ ސެމީފައިނަލަށް ޓީމުތައް ހޮވިއްޖެ
ކ. ގުރައިދޫގައި މިހާރު ކުރިއަށްދާ ’ ތުއްތޮންބެ ކަޕް 2018‘ ގެ ސެމީފައިނަލަށް 4 ޓީމު ހޮވިއްޖެއެވެ.
ސެމީފައިނަލަށް ހޮވިފައިވަނީ ޗެލެންޖަރސް އެފްސީ، އޯލް އެޓޭކް އެފްސީ، ކުޑަސިޓީ އެފްސީ އަދި ސިކްސް އެކްސްއެވެ.
މި މުބާރާތުގެ ސެމީފައިނަލުގެ ފުރަތަމަ މެޗު މި މަހުގެ 16 ވާ އާދީއްތަ ދުވަހު ކުޅޭ އިރު، މި މެޗުގައި ބައްދަލުކުރާނީ ޗެލެންޖަރސް އާއި ސިކްސް އެކްސް އެވެ. އަދި ސެމީގެ ދެވަނަ މެޗުގައި މިމަހުގެ 17 ވާ ހޯމަ ދުވަހު ބައްދަލުކުރާނީ އޯލް އެޓޭކާއި ކުޑަސިޓީއެވެ.
ރައްޔިތުންގެ މަޖިލީހުގެ ކ. ގުރައިދޫ ދާއިރާގެ މެމްބަރު އަލް އުސްތާޛު އިބްރާހިމް ރިޒާ އެރަށުގެ ޒުވާނުންނަށް އަމާޒުކޮށްގެން ބާއްވަމުން އަންނަ މި މުބާރާތުގެ ގްރޫޕް ސްޓޭޖުގެ ފަހު މެޗު މިއަދު ހަވީރު ވަނީ ކުޅެފައެވެ. މިމެޗުގައި ބައްދަލުކުރީ ސެމީފައިނަލަށް ދަތުރުކޮށްފައިވާ އޯލް އެޓޭކާއި ކުޑަސިޓީ އެވެ. މި މެޗު 0-1 ލަނޑުން ކާމިޔާބުކުރީ ކުޑަސިޓީއެވެ.
މި މެޗުގެ މޭން އޮފް ދަ މެޗުގެ މަޤާމަށް ހޮވުނީ އޯލްއެޓޭކްގެ ޖާރޒީ ނަމްބަރު 14 އަޙްމަދު ޝުއޫންއެވެ.
މި މުބާރާތުގެ ފައިނަލްު މެޗު ކުޅުމަށް ތާވަލުކޮށްފައިވަނީ މި މަހުގެ 20 ވާ ބްރާސްފަތި ދުވަހުއެވެ.
މިލިޔުން ކިޔާލުމުން
