މިނިސްޓަރ ޑރ ޒިޔާދު އައި.ޑީ.ބީ ކަންޓްރީ މެނޭޖަރ އާ ބައްދަލު ކުރައްވައިފި

މިނިސްޓްރ އޮފް އިސްލާމިކް އެފެއާޒް ޑރ. އަޙްމަދު ޒިޔާދު، އިސްލާމިކް ޑިވެލޮޕްމަންޓް ބޭންކް (އައި.ޑީ.ބީ) އިން ރާއްޖެއަށް ކަނޑައަޅުއްވާފައި ހުންނަވާ ކަންޓްރީ ޕްރޮގްރާމް މެނޭޖަރ މރ. މުޙައްމަދު ނަސިސް ސުލައިމާނާ މިއަދު ބައްދަލު ކުރައްވައިފިއެވެ.

މި ބައްދަލުކުރެއްވުން އޮތީ މިއަދު ހެނދުނު މިނިސްޓްރީ އޮފް އިސްލާމިކް އެފެއާޒްގައެވެ. މި ބައްދަލު ކުރެއްވުމުގައި މައިގަނޑު ގޮތެއްގައި މަޝްވަރާ ކުރެއްވީ މި މަހުގެ 16 ވަނަ ދުވަހު ސަޢުދީ ޢަރަބިއްޔާގެ ޖިއްދާގައި ފެށުމަށް ހަމަޖެހިފައިވާ އައި.ޑީ.ބީ ގެ އެނުއަލް ކޮންފަރެންސް އަށް ތައްޔާރުވުމާބެހޭ ގޮތުންނެވެ.

އިޝްތިހާރު

މީގެ އިތުރުން އިސްލާމިކް ޑިވެލޮޕްމަންޓް ބޭންކް މެދުވެރިކޮށް ރާއްޖޭގައި ކުރިއަށް ގެންދާ ތަފާތު ޕްރޮގްރާމްތަކާ، މި އަހަރު ކުރިއަށް އޮތް ތަނުގައި ފެށުމަށް ހަމަޖެހިފައިވާ ޕްރޮގްރާމްތަކާ ބެހޭގޮތުންވެސް މި ބައްދަލުކުރެއްވުމުގައި ވަނީ މަޝްވަރާ ކުރައްވާފައެވެ.

އައި.ޑީ.ބީ ގެ އެނުއަލް ކޮންފަރެންސް ގައި ރާއްޖެ ތަމްސީލު ކުރެއްވުމަށް މި މަހުގެ 13 ވަނަ ދުވަހު މިނިސްޓަރ ޑރ. އަޙްމަދު ޒިޔާދު ސަޢުދީ އަށް ވަޑައިގަތުމަށް ހަމަޖެހިފައިވާއިރު، އައި.ޑީ.ބީ ގެ ފަރާތުން ރާއްޖެއަށް ކަނޑައަޅުއްވާ ގަވަރުނަރު ގެ ގޮތުގައި ވެސް މިވަގުތު ހުންނެވީ ޑރ. އަޙްމަދު ޒިޔާދެވެ.