އޯ ލެވެލް ނަތީޖާ އޮންލައިންކޮށް ދޫކުރަން ފަށައިފި
2016 ވަނަ އަހަރުގެ އޮކްޓޯބަރު އަދި ނޮވެމްބަރުގައި ބޭއްވި ކެމްބްރިޖް އޯލެވެލް އާއި އައިޖީސީއެސްއީ އަދި އެސްއެސްސީ އިމްތިހާނުގެ ނަތީޖާތައް އޮންލައިންކޮށް މިއަދު ހެނދުނު ޑީޕީއިން ދޫކުރަން ފަށައިފިއެވެ.
މިއަދު ހެނދުނު އޮންލައިން ކޮށް އޯލެވެލް އިމްތިހާންގެ ނަތީޖާތަށް ދޫކުރަން ފަށާފައިވާއިރު ނަތީޖާތައް ދޫކުރަން ފަށާފައިވަނީ މިއަދު 11:30 ހާއިރުއެވެ.
މި ނަތީއްޖާ ދޫކުރަން އޮންލައިންކޮށް ފަށާފައިވާއިރު ނަތީޖާ ސްލިޕްތައް ދޫކުރަން ފަށާނީ މާދަމާ ކަމަށް ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) އިން ބުނެފައެވެ.
ޑީޕީއިން ބުނިގޮތުގައި މި ނަތީޖާ ސްލިޕްތައް މާދަމާއިން ފެށިގެން ދޫކުރަން ފަށާއިރު މި ސްލިޕްތަށް އަންނަ ފެބްރުއަރީ މަހުގެ 6 ވަނަ ދުވަހާއި ހަމައަށް އެ ޑިޕާޓްމަންޓުންނާއި ސެންޓަރުތަކުން ދޫކުރާނެކަމަށެވެ.
ޑީޕީއިން މައުލޫމާތު ދޭގޮތުގައި އިމްތިހާންގެ ނަތީޖާތަށް ދޫކުރުމަށް ހަމަޖެހިފައިވަނީ ރަސްމީ ބަންދު ނޫން ކޮންމެ ދުވަހެއްގެ ހެނދުނު 8:30 އިން މެންދުރު 13:30 އިށް އެ ޑިޕާޓްމަންޓުންނާއި ސެންޓަރުތަކުންކަމަށެވެ.
އޯލެވެލް އިމްތިހާނުގައި މިދިޔަ އަހަރު އަމިއްލަ ގޮތުން ބައިވެރިވި ކެންޑިޑޭޓުންގެ ނަތީޖާ ދޫކުރަނީ އައިޑީ ކާޑު ގެނައުމުންކަމަށާއި ބަދަލުގައި މީހަކު ފޮނުވާކަމުގައި ވާނަމަ، ކެންޑިޑޭޓްގެ ދިވެހި ރައްޔިތެއްކަން އަންގައިދޭ ކާޑާއި،ހަވާލުވާ ފަރާތުގެ ކާޑު ގެންނަންވާނެ ކަމަށް ޑީޕީއިން ވަނީ ބުނެފައެވެ.
އޮންލައިންކޮށް ދޫކުރާ ނަތީޖާ ބަލައިލެވޭނީ ހަމައެކަނި ސްކޫލްތަކުގެ އިސް ވެރިންނަށްކަމަށް ވެސް އެ އިދާރާއިން ވަނީ ބުނެފައެވެ.
މިލިޔުން ކިޔާލުމުން
