މަސްތުވާތަކެއްޗާއެކު ލ.މާވަށުން މީހަކު ހައްޔަރުކޮށްފި

މަސްތުވާތަކެއްޗާއެކު ލ. މާވަށުން މީހަކު ހައްޔަރުކޮށްފިއެވެ.

އިޝްތިހާރު

މި މީހާ ހައްޔަރު ކުރީ ފެރީއަކުން މާވަށައް މަސްތުވާތަކެތި އެތެރެކުރަން އުޅޭކަމަށް ފުލުހުންނަށް ލިބުނު ސިއްރު މަޢުލޫމާތަކާއި ގުޅިގެން ހިންގި އޮޕަރޭޝަނެއްގައެވެ.

އުމުރުން 21 އަހަރުގެ މި ފިރިހެންމީހާ ހައްޔަރުކޮށްފައި ވަނީ މި މަހުގެ 14 ވަނަ ދުވަހުގެ 17:40 ހާއިރު ކަމަށް ފުލުހުން ވަނީ މައުލޫމާތު ދީފައެވެ.

ފުލުހުން ވިދާޅުވީ އޭނާ ހައްޔަރުކުރުމަށްފަހު އޭނާގެ ހަށިގަނޑާއި ގެންގުޅުނު ތަކެތި ބަލައި ފާސްކުރިއިރު އޭނާ ލައިގެންހުރި ފަޓްލޫނުގެ ޖީބުތެރެއިން ފެނުނު ސިނގިރޭޓް ފޮއްޓެއްގެ ތެރެއިން މަސްތުވާތަކެތިކަމަށް ޝައްކުކުރެވޭ އެއްޗެއްހިތަކެއް ފެނިފައިވާކަމަށެވެ.

ފުލުހުން މައުލޫމާތު ދޭގޮތުގައި މަސްތުވާތަކެތި ކަމަށް  ޝައްކުކުރެވޭ ބާވަތުގެ ތަކެތި އަޅާފައިވާ 19 ސެލޯފިންކޮޅު ވަނީ ފެނިފައެވެ.

މި މައްސަލައާއި ގުޅިގެން އޭނާގެ ބަންދާމެދު ގޮތެއް ނިންމުމަށް ލ. މަވަށު މެޖިސްޓްރޭޓް ކޯޓަށް ހާޒިރުކުމުންވަނީ މިނިސްޓްރީ އޮފް ހޯމް އެފެއަރޒުން ކަނޑައަޅާ ތަނެއްގައި ބަންދުގައި ބަހައްޓައިގެން ތަހުޤީޤު ކުރިއަށް ގެންދިޔުމަށް 15 ދުވަހުގެ މުއްދަތެއް ދީފައެވެ.

މިމައްސަލަ ލ. މާވަށު ޕޮލިސް ސްޓޭޝަނުން ދަނީ ތަހުޤީޤު ކުރަމުންނެވެ.