ރައްޔިތުންނަށް ދަތިނުވާނެ ގޮތެއް ހޯދުން މުހިންމު: ކުރީގެ ރައީސް މައުމޫން
ސަރުކާރުން ކާޑުގެ ބާވަތްތަކުން ސަބްސިޑީ އުނިކުރުމާއި ގުޅިގެން ކުރީގެ ރައީސުލްޖުމްހޫރިއްޔާ އަދި ޕީޕީއެމްގެ ރައީސް އަލްއުސްތާޛު މައުމޫން ޢަބްދުލްޤައްޔޫމުގެ ހިތްޕުޅު ހަމަނުޖެހުން ފާޅުކޮށްފިއެވެ.
ކާޑުން ސަބްސިޑީ އުނިކުރުމާއި ގުޅިގެން ޕީޕީއެމްގެ އޮފިޝަލް ވައިބަރ ގްރޫޕަކަށް އެމަނިކުފާނު ފޮނުއްވި މެސެޖެއްގައ ވިދާޅުވެފައިވަނީ އެކަމަކީ ޕީޕީއެމްގެ ސަރުކާރަކުން ކުރާ ކަހަލަ ކަމެއް ނޫން ކަމަށެވެ. އަދި ކާޑުގެ ބާވަތްތަކުގެ އަގު ކުއްލިއަކަށް ބޮޑުކުރުމަކީ އާންމު ރައްޔިތުންނަން ދަތިވާނެ ކަމެއް ކަމަށެވެ.
ރައްޔިތުންނަން ދަތިވާ ގޮތް ނޫން ގޮތެއް ހޯދުން މުހިންމު ކަމަށްވެސް ރައީސް މައުމޫނުގެ މެސެހުގައި ވަނީ ވިދާޅުވެފައެވެ.
ކާޑުގެ ބާވަތްތަކުން ސަބްސިޑީ ކަނޑާލުމާއި ގުޅިގެން ރައީސް އޮފީހުގެ މިނިސްޓަރ އަދި އެނޮކޮމިކް ކައުންސިލުގެ ކޯޗެއަރ އަހުމަދު ޒުހޫރު ވިދާޅުވެފައިވަނީ ސަރުކާރުން ސަބްސިޑީން ބޮޑު ބައެއް އުނިކޮށް އެ ޙައްޤުވާ ފަރާތްތަކަށް ދޭން ނިންމީ ބޭރުގެ މާލީ އެހީ ދޭ ފަރާތްތަކުން އެހީ ހޯދުމަށް ހުރަސްތައް ކުރިމަތިވާތީ އާއި އެހީ ނުލިބޭތީ ކަމަށެވެ.
މިލިޔުން ކިޔާލުމުން
