ހުޅުމާލޭގައި ގާއިމްކުރާ ފްލެޓުތަކުގައި އަންނަ އަހަރު ކުރީކޮޅު މީހުން ދިރިއުޅެންފަށާނެކަމަށް ޑރ. މުޢިއްޒު ވިދާޅުވެއްޖެ.
ހުޅުމާލޭގައި އަޅައި ނިންމާފައިވާ 700 އަށްވުރެ ގިނަ ފުލެޓްތަކުގައި އަންނަ އަަހަރުގެ ކުރީކޮޅު މީހުން ދިރިއުޅެން ފަށާނެ ކަމަށް ހައުސިންގ މިނިސްޓަރ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ޑރ. މުޢިއްޒު ވިދާޅުވީ ހުޅުމާލޭގައި ހަދާ ފުލެޓް ތަކުގެ މަސައްކަތްތައް މިހާރު ވަނީ މުޅިންކަހަލަ ގޮތަކަށް ނިމިފައިކަމަށާއި ނުނިމިހުރީ ހަމައެކަނި ކަރަންޓު ވަޔަރިންގެ މަސައްކަތް ފަދަ ކުދިކުދި މަސައްކަތް ތައްކަމަށެވެ. އެމަސައްކަތް ތައްވެސް މިހާރު ކުރިޔައްގޮސް ނިމުމަކަށް އަންނަކަމަށް މުއިއްޒު ވިދާޅުވިއެވެ.
ހުޅުމާލޭ ފުލެޓްތަކަށް އެދި ފޯމް ހުށަހަޅަން ހުޅުވައިލި ފުރުޞަތުގައި 15،000 އަށްވުރެ ގިނަ މީހުން ފޯމް ހުށައަޅާފައިވެއެވެ.
ސަރުތު ހަމަވާ ހުރިހާ ފަރާތްތަކަށްވެސް ފުލެޓް ލިބޭނެކަމަށް ވެސް މިނިސްޓަރ ވުދާޅުވިއެވެ.
ހުޅުމާލޭގައި އިތުރު 15،000 ފުލެޓް އެޅުމުގެ މަސައްކަތް ސަރުކާރުން މިހާރު ވަނީ ފަށައިފަވާއިރު މި ފުލެޓްތަކުގެ މަސައްކަތްތައް 2018 ވަނަ އަހަރުގެ ނިޔަލަށް ނިމި މީހުންނަށް އެތަންތާ ދިރިއުޅެވޭވަރު ވާނެކަމަށް ކަމަށް ހައުސިންގ މިނިސްޓަރ ވަނީ ވިދާޅުވެފައެވެ.
ހުޅުމާލޭގެ އިތުރުން ރާއޖޭގެ އެކި ކަންކޮޅުތަކުގައިވެސް ހައުސިންގ ޔުޓްތައް އެޅުމަށް މަސައްކަތް ކުރަމުން އަންނަކަމަށް ހައުސިން މިނިސްޓްރީން ވަނީ ބުނެފައެވެ.
މިލިޔުން ކިޔާލުމުން
