އެންއައިސީގެ ރައީސްގެ މަޤާމަށް މާނިއު ޢައްޔަންކުރައްވައިފި
ނެޝަނަލް އިންޓެގްރިޓީ ކޮމިޝަނުގެ ރައީސްކަމުގެ މަޤާމަށް ގ. އަތަ މާނިއު އައްޔަން ކުރައްވައިފިއެވެ.
އޭނާ އެ މަޤާމަށް ޢައްޔަން ކުރެއްވީ އެ މަޤާމުގައި ކުރިން ހުންނެވި މުޙައްމަދު ފަރުހާދު ވަކިކިރެއްވުމަށްފަހުއެވެ.
2015 ވަނަ އަހަރުގެ އޮކްޓޯބަރ މަހު އެންއައިސީގެ މެމްބަރުކަމުގެ މަޤާމަށް ފަރުހާދާއި މާނިއު ޢައްޔަންކޮށްފައިވާ އިރު، ރައީސްކަމުގެ މަޤާމުން ފަރުހާދު ވަކިކުރި ނަމަވެސް އެންއައިސީގެ މެމްބަރެއްގެ ގޮތުގައި ހުންނާނެއެވެ.
އެ ކޮމިޝަނުގެ މަސްއޫލިއްޔަތުތަކުގެތެރޭގައި ޤާނޫނު ތަންފީޒު ކުރާ އިދާރާތަކާއި އެ އިދާރާތަކުގެ މުވައްޒަފުން ކުރާ ޤާނޫނާއިޚިލާފު ޢަމަލުތައް ބަލާ ތަޙުޤީޤު ކުރުން ހިމެނެއެވެ.
އަދި އެފަދަ ޢަމަލެއް ކަމަށް ތުހުމަތު ކުރެވޭ ޢަމަލެއް އެއްވެސް ފަރާތަކުން ހިންގައިފި ކަމަށް ނުވަތަ ހިންގަން އުޅޭ ކަމަށް ތުހުމަތުކޮށް އެފަދަ މައްސަލައެއް ހުށަހަޅައިފި ނަމަ އެކަމެއްވެސް ބަލައި ތަޙުޤީޤު ކުރުމަކީ އެ ކޮމިޝަނަށް ލާޒިމު ކަމެކެވެ.
މިލިޔުން ކިޔާލުމުން
