ނިއުޒީލޭންޑަށް ބާރުގަދަ ބިންހެލުމަކާއެކު އެރި ސުނާމީގައި ބޮޑެތި ގެއްލުންތަކެއް ވެއްޖެ.

ިއުޒިލެންޑްގެ ސައުތު އައިލެންޑަށް 7.8 މެގްނެޓިއުޑް ގެ ބާރު ގަދަ ބިންހެލުމެއް އައިސް އެގައުމުގެ ސައުތު އައިލެންޑް ޖަޒީރާ އަށް ސުނާމީ އަރައިފި އެވެ.

ސައުތު އައިލެންޑް ޖަޒީރާއަށް މި ބިންހެލުމާއި ގުޅިގެން ސުނާމީ އަރާފައި ވަނީ  ބިންހެލުން އައިތާ ދެ ގަޑިއިރުފަހުންނެވެ.

އިޝްތިހާރު

ނިއުޒިލެންޑްގެ ސައުތު އައިލެންޑަށް 7.8 މެގްނެޓިއުޑް ގެ ބާރު ގަދަ ބިންހެލުމަކާއެކު ސައުތު އައިލެންޑް ޖަޒީރާ އަށް ސުނާމީ އަރާފައިވާއިރު ސައުތު އައިލެންޑަށް އަރާފައި ވަނީ ހަ ފޫޓް ފަސް އިންޗި އުސްމިނުގައި ހުރި ބޮޑު ރާޅުތަކެކެވެ.

މި ސުނާމީ ސައުތު އައިލެންޑަށް އަރާފައިވަނީ މި ބިންހެލުމާއި ގުޅިގެން ސުނާމީއެއް އަރާނެ ކަމުގެ އިންޒާރު ދިންތާ މާގިނައިރުތަކެއް ނުވަނީހެވެ.

ނިއުޒީލެންޑްގެ ސައުތު އައިލެންޑް އޮންނަނީ ނިއު ޒިލެންޑްގެ ކްރިސްޓްޗާޗް ސިޓީއާ 95 ކިލޯމީޓަރު ދުރުގަ އެވެ.

ސައުތު އައިލެންޑުގެ އިތުރުން ކްރިސްޓްޗާޗް ސިޓީ އާއި ވެލިންޓޮން އަދި ކެތަމް އައިލެންޑްސް އަށް ވެސް ސުނާމީ އަރާނެ ކަމުގެ އިންޒާރު ދީފައިވާއިރު ނިއު ޒިލެންޑަކީ އެންމެ ނުރައްކާތެރި “ރިންގް އޮފް ފަޔާ” އޭ ކިޔުނު ޓެކްޓޯނިކް ސަރަހައްދަށް ނިސްބަތްވާ ގައުމެކެވެ.

ދުނިޠެގައި ބިންހެލުން އެންމެ އާންމު ގައުމުތަކުގެ ތެރޭގައި ހިމެނޭ ނިއުޒީލެންޑަށް އެރި މިސުނާމީއާ ގުޅިގެން ލިބުނު ގެއްލުންތަކަށް ބަލާއިއިރު ގިނަ އަދަކަށް މީހުން ދިރިއުޅޭ ގެތަކާއި ބައެއް އިމާރާތް ތަކަށް ބޮޑެތި ގެއްލުންތަކެއް ވަނީ ލިބިފައެވެ.

އެހެން ނަމަވެސް މިފަހަރުގެ މި ސުނާމީގައި މަރުވި މީހުންގެ އަދަދު އަދި ވަނީ ދާފުވާގޮތް ނުވެފައެވެ.

އެމެރިކާގެ ޖިއޮލޮޖިކަލް ސާވޭއިން ބުނާގޮތުގައި މީ އެގައުމަށް މިހާތަނަށް އައި އެންމެ ބާރުގަދަ ބިންހެލުމެވެ.

މި ބާރުމިނުގައި އެގައުމަށް 2011 ވަނަ އަހަރުވެސް ބިންހެލުމެއް އައިސް ސުނާމީ އެއް އަރާފައިވާއިރު އެފަހަރުގެ މިހާދިސާގައި 185 މީހުންވަނީ މަރުވެފައެވެ.