ހަމަލާތައް ހުއްޓާލުމަށް އެއްބަސްވުމާމެދު ހަމާސްއިން އުންމީދީ ސިގްނަލްއެއް ދީފައިވާކަމަށް ޤަތަރުން ބުނެފި

ހަމަލާތައް ބަދަލުކުރުން ހުއްޓާލުމަށް ހަމާސްއިން އެއްބަސްވުމަކަށް އައުމުގެ އުންމީދު ބޮޑުކަމަށް ޤަތަރުން ބުނެފިއެވެ.

ޤަތަރުން ބުނެފައިވަނީ ޝަތުރުތަކަކާއެކު ހަނގުރާމަ ހުއްޓާލުމަށް 60 ދުވަހުގެ އެއްބަސްވުމަކަށް އައުމަށް ހަމާސްއާއެކު މަޝްވަރާތައް ކުރެވެމުންދާ ކަމަށާއި އަދި ހަނގުރާމަ ހުއްޓާލުމަށް އެއްބަސްވާނެ ކަމުގެ އުންމީދު ބޮޑުކަމުގައެވެ. ނަމަވެސް އިޒްރާއީލުން މިކަމާމެދު އަދި ވަކިގޮތެއް ނުނިންމާކަމަށް ވެސް ބުނެފައިވެއެވެ.
ޤަތަރު މެދުވެރިއެއްގެ ރޯލު ކުޅެ ހަމަލާ ބަދަލުކުރުން ހުއްޓާލުމާމެދު ދެޤައުމާވެސް ވާހަކަ ދައްކައި ދެގައުމުންވެސް ހަމަލާތައް ހުއްޓާލަމުންދާއިރު މިއަދުގެ މިހާހިސާބައްވެސް އިޒްރާއީލުގެ ހަމަލާތަކުގައި 46 މީހުން ޝަހީދުވެފައިވެއެވެ. އޭގެތެރޭގައި ޚާންޔޫނިސްގެ މީހުން ދިރިއުޅޭ ޓެންޓުތަކަކާއި ދާއިރްއަލްބަލާޙް ގެ ޓެންޓްތަކަކަށް ދިން ހަމަލާތައް ހިމެނެއެވެ.
ޤަތަރުން ހުށަހަޅާފައިވާ ސުލްލައިގެ އެއްބަސްވުމަށް އެއްބަސްވެ ހަމަލާތައް މިހާރުން މިހާރަށްވެސް ހުއްޓާލުމަށް އެޤައުމުން ދަނީ އިޒްރާއީލަށް ބާރުއަޅަމުންނެވެ. އަދި މިކަމުގައި އެކުވެރި ދައުލަތްތަކުގެ އެހީއާއި އެއްބާރުލުމަށް ވެސް އެދި ގޮވާލާފައިވެއެވެ. ޤަތަރުން ބުނެފައިވަނީ ބޯޅަ މިހާރުއޮތީ އިޒްރާއީލްގެ ފަޅީގައި ކަމަށާއި އެޤައުމުން މިއެއްބަސްވުމުގައި ސޮއިކުރުމަށް ބާރުއަޅަން ޖެހޭ ކަމަށެވެ. ނަމަވެސް މިހާތަނަށް ވެސް އިޒްރާއީލުން މިކަމަށް އެދެވޭ ޖަވާބެއް ދީފައެއް ނުވެއެވެ.
ހަމާސްގެ އިސް ފަރާތަކާއި ހަވާލާދީ އަލްޖަޒީރާއިން ބުނެފައިވަނީ ހަމަލާތައް ޝަރުތުތަކަކާއެކު ހުއްޓާލުމަށް ހަމާސްއިން ތައްޔާރު ކަމަށެވެ. އަދި ހަމަލާތައް ހުއްޓާލުމުގެ އެއްބަސްވުމުގައި ހިމެނެނީ 60 ދުވަހަށް ހަމަލާ ބަދަލުކުރުން އެއްކޮށް ހުއްޓާލުމާއި އިޒްރާއީލްގެ ޖަލުތަކުގައި ތިބި ފަލަސްތީން މުސްލިމުންގެ ބަދަލުގައި ހަމާސްގެ ހައްޔަރުގައި ތިބި އިޒްރާއީލްގެ ޤައިދީންގެ ބަޔަކު ދޫކޮށްލުން ކަމަށެވެ.

އިޝްތިހާރު