
ތިލަފުށި ފަޅުތެރޭގައި އޮތް އުޅަނދެއްގައި ރޯވެ އަނދަނީ
ކ ތިލަފުށީ ފަޅުތެރޭގައި އޮތް ތެޔޮ އުފުލާ ދޯންޏެއްގައި އަލިފާން ރޯވެއްޖެއެވެ.
މި ހާދިސާ ހިނގާފައި ވަނީ ބޯޓު ތެޔޮ އަޅައިގެން ތިލަފުށީ ބަނދަރުން ފުރަން އުޅެނިކޮށެވެ. އަލިފާން ރޯވެފައި ވަނީ ވާއިލާ-7 ނަމަކަށް ކިޔާ ތެޔޮ ބޯޓެއްގައެވެ.
އެމްއެންޑީއެފުން ބުނީ މި ދޯނީގައި އަލިފާން ރޯވެގެން ފަޔަރ އެންޑް ރެސްކިޔު ޓީމުން ހަރަކާތްތެރިވަމުންދާ ކަމަށެވެ. އަދި އަލިފާން ރޯވި ތެޔޮ އުފުލާ ދޯނި މިހާރު ވަނީ ފަޅުން ނެރެފައި ކަމަށްވެސް އެމްއެންޑީއެފުން ހާމަކުރެއެވެ.
މިހާދިސާގައި ދޯނީގައި ތިބި އެއްވެސް މީހަކަށް އަނިޔާއެއް ލިބިފައިވާ ކަމަށް ރިޕޯޓްކޮށްފައި ނުވާ ކަމަށްވެސް އެމްއެންޑީއެފުން ވަނީ ހާމަކޮށްފައެވެ.