މެގަ މޯލްޑިވްސް އިން ސްރީލަންކާއަށް ދަތުރުތައް ފަށައިފި

މެގަ މޯލްޑިވްސްއިން ސްރީލަންކާގެ ކޮލޮމްބޯއަށް ކުރާ ޝެޑިއުލްޑް ދަތުރުތައް ފަށައިފިއެވެ.

ރާއްޖޭގެ އަމިއްލަ ބައިނަލްއަގުވާމީ އެއަރލައިންގެ ފުރަތަމަ ދަތުރު ފުރިހަމަކޮށްފައިވަނ މިއަދުއެވެ. އެގޮތުން މާލެއިން ކޮލޮމްބޯއަށް 272 ފަސިންޖަރުންޏާއެކު ދަތުރު ކުރުމަށްފަހު، އެ ފްލައިޓު ކޮލޮމްބޯއިން އެނބުރި މާލެއަށް މިއަދު އައިސްފައިވަނީ 176 ފަސިންޖަރުންނާ އެކުގައެވެ.

އިޝްތިހާރު

ކޮލޮމްބޯއަކީ މެގަ މޯލްޑިވްސްއިން މިއަހަރު ދަތުރުތައް ފަށާފައިވާ، މުޅިން އާ މަންޒިލަކަށް ވާއިރު، އެ އެއަރލައިނުން ކޮންމެ ހަފްތާއެއްގެ ހޯމަ، ބުރާސްފަތި އަދި ހޮނިހިރު ދުވަހު ކޮލޮމްބޯއާ މާލެއާ ދެމެދު ދަތުރުކުރާނެއެވެ.

ކޮލޮމްބޯއަށް ދަތުރުތައް ފަށާނެކަމަށް އެ އެއަރލައިނުން އިޢުލާން ކޮށްފައިވަނީ މީގެ ދެމަހެއްހާދުވަސް ކުރިންނެވެ.

މި މަހުގެ ތެރޭގައި އިންޑިއާގެ ނިއުދިއްލީއަށް ވެސް ސީދާ ދަތުރުތައް ފެށުމަށް ތައްޔާރުވަމުން އަންނަ އިރު، އިންޑިއާގެ މުމްބާއީ އާއި މެލޭޝިއާގެ ކުއާލަ ލަމްޕޫރާއި ސައުދީ އަރަބިއްޔާގެ ޖިއްދާ އާއި މަދީނާއަށް ސީޒަނަލް ފްލައިޓުތައް ބޭއްވުމުގެ މަސައްކަތްވެސް އެ އެއަރލައިނުން އަންނަނީ ކުރަމުންނެވެ.