ޑީސަލުގެ އަގު ބޮޑުވުމުން ފެނަކައިން ޚިދުމަތްދޭ 153 ރަށެއްގެ ކަރަންޓު ބިލު ބޮޑުވެއްޖެ
ފެނަކަ ކޯޕަރޭޝަނުން ޚިދުމަތްދޭ އަތޮޅުތެރޭގެ 153 ރަށެއްގެ ކަރަންޓު ބިލަށް އޭގެ އަސަރުކޮށްފިއެވެ.
އެ ކޯޕަރޭޝަނުން ބުނީ ފިއުލް ސާރޗާޖު ނަގަން ފެށުމާއިއެކު، އެ ކުންފުނިން ޚިދުމަތް ދެމުން އަންނަ 153 ރަށަކުން ކަރަންޓު އަގުބޮޑުކޮށްފައިވާ ކަމަށެވެ.
އެގޮތުން އޮކްޓޯބަރ މަހުގެ ބިލު ގޭގެއަށް ފޮނުވި އިރު ބިލު ހަދާފައިވަނީ، ފިއުލް ސާރޗާޖު ހިމަނައިގެން ކަމަށާއި ފިއުލް ސާރޗާޖު ނަގަން ނިންމީ، ސެޕްޓެމްބަރ 19 ވަނަ ދުވަހުން ފެށިގެން ޑީސަލް ލީޓަރެއްގެ އަގު 8.12 ރުފިޔާއަށް ބޮޑުކޮށްފައި ވާތީ ކަމަށެވެ.
ޑީސަލް ލީޓަރެއްގެ އަގު 8 ރުފިޔާއަށްވުރެ ބޮޑުވާނަމަ، އިތުރުވާ ކޮންމެ 10 ލާރިއަކަށް، 3ލާރި ފިއުލް ސާޗާޖުގެ ގޮތުގައި ނެގުމުގެ ހުއްދަ މޯލްޑިވްސް އެނަރޖީ އޮތޯރިޓީން، ފެނަކަ ކޯޕަރޭޝަނަށް ވަނީ ދީފައެވެ.