ޔުނައިޓެޑާއި ސިޓީން ލުއިސް ސުއަރޭޒް ހޯދުމަށް 125 މިލިއަން ޕައުންޑުގެ ބިޑެއް ހުށައަޅަނީ.

ސްޕެއިންގެ ބާސެލޯނާއަށް ކުޅެމުން އަންނަ އުރުގުއޭ ފޯވާޑް ލުއިސް ސުއަރޭޒް އަށް 135 މިލިއަން ޕައުންޑްގެ ބިޑެއް އިނގިރޭސި ކުލަބު މެންޗެސްޓާ ޔުނައިޓެޑާއި މެންޗެސްޓާ ސިޓީ އިން ކުރަން ތައްޔާރު ވަމުން އަންނަކަމުގައި ސްޕެއިންގެ މަސްހޫރު ކުޅިވަރު ނޫހެއް ކަމުގައިވާ ޑަންބަލޮން އިން ބުނެފިއެވެ.

އިޝްތިހާރު

މި ނޫހުން ނެރުނު ރިޕޯޓެއްގައި ބުނެފައިވަނީ ސުއަރޭޒް ގެންދިއުމަށް އެންމެ ބޮޑަށް މަސައްކަތް ކުރަނީ ޔުނައިޓެޑުން ކަމަށާއި އަންނަ އަހަރުގެ ޓްރާންސްފާ މާކެޓްގައި ރަސްމީކޮށް މަސައްކަތް ފަށަން ޔުނައިޓެޑާއި ސިޓީން މިހާރު ތައްޔާރުވަމުން އަންނަ ކަމަށެވެ.

މި ރިޕޯޓުގައި ވާގޮތުން ޔުނައިޓެޑުން ބޭނުންވަނީ އެޓީމަށް މިފަހަރުގެ ސީޒަނަށް ގެންގޮސްފައިވާ ޒަލަޓާން އިބްރަހިމަވިޗް ވިއްކާލަން ކަމަށާއި އަދި އިބުރަހިމަވިޗް ވިއްކާލުމަށްފަހު އެ މަގާމަށް ސުރޭޒް ގެނައުމަށް ކަމަށެވެ.

އެހެން ނަމަވެސް މި ކަމާމެދު އަދި ރަސްމީކޮށް ބާސާއިންވެސް ސިޓީން ވެސް އަދި ޔުނައިޑެޓުންވެސް އެއްޗެކޭ ބުނެފައެއް ނުވެއެވެ.

ލުއިސް ސުއަރޭޒް ހޯދުމަށް އިނގިރޭސި ވަރުގަދަ ދެބާރުން މަސައްކަތް ފަށަންތައްޔާރު ވަމުންއަންނަ ކަމުގެ ޚަބަރުތައް މީޑިއާގައި ގަދަވެފައިވާއިރު ސުއަރޭޒް ވަނީ މީގެ ކުރިންވެސް ލިވަޕޫލަށް ކުޅަފައެވެ. އެގޮތުން އޭނާ ލިވަޕޫލަށް ކުޅުނުއިރު އަހަރުގެ އެންމެ މޮޅުކުޅުންތެރިއާގެ އިތުރުން އެ ސީޒަނުގައި އެންމެ ގިނަ ގޯލް ޖެހިކުޅޫންތެރިއާގެ މަގާމުވެސް ސުއަރޭޒް ވަނީ ހޯދާފައެވެ.

ސުއަރޭޒް ގެން ދަން އިނގިރޭސި ބޮޑު ދެކުލަބަކުން މަސައްކަތް ވަށަން ތައްޔާރުވާން އުޅޭކަމުގެ ޚަބަރުތައް މީޑިއާގައި ފެތުރިފައިވާއިރު ލިވަޕޫލަށް ކުޅެމުންއަންނަ އިނގިރޭސި ޑިފެންޑަރ ނެތާނިއެލް ކްލައިން ހޯދުމަށް ބާސެލޯނާއިން ވެސް މަސައްކަތް ފަށަން ތައްޔާރުވަމުން ގެންދާކަމަށް އިނގިރޭސި ނޫހެއް ކަމުގައިވާ ދަ ސަންއިން ވަނީ ބުނެފައެވެ.

ދަ ސަންއިން މިއަދު ނެރުނު ރިޕޯޓެއްގައި ބުނެފައިވަނީ އަންނަ އަހަރު ޖެނުއަރީ ޓްރާންސްފާގައި ކްލައިން ބާސެލޯނާއާ ގުޅޭނެކަމަށާއި އޭނާ ގެނަުމުގެ ކަންތައް ބާސާއިން ވަރަށް ބާރަށް ކުރިޔައް ގެންދާ ކަމަށްވެސް އެކުލަބުން ބުނެފައިވާ ކަމަށް މި ރިޕޯޓުގައި ވެއެވެ.

އަދި އިނގިރޭސި ޑިފެންޑަރު ބާސާއާ ގުޅޭނީ 20 މިލިއަން ޕައުންޑ    ްގެ ފީއަކަށް ކަމަށް ވެސް މި ރިޕޯޓްގައި ބުނެފައިވެއެވެ.