ޓިކެޓްތަކަށް ޑޮލަރު ވިއްކަން އުޅޭކަމަށް ދެކެވޭ ވާހަކަ އެމްއެމްއޭއިން ދޮގުކޮށްފި.
ބޭންކުތަކުން ޓިކެޓްތަކަށް ޑޮލަރު ވިއްކުން ހުއްޓާލަން ނިންމާފައިވާކަމަށް ދެކެވޭ ވާހަކަ މަރުކަޒީ ބޭންކާއި، ފިނޭންސް މިނިސްޓްރީ އަދި ބޭންކްތަކުން ދޮގުކޮށްފިއެވެ.
މިކަމާ ގުޅިގެން ކުރި ސުވާލަކަށް ޖަވާބުދެމުން އެމްއެމްއޭގެ ތަރުޖަމާން މަންސޫރު ޒުބައިރު ވިދާޅުވީ
މީގެ ކުރިންވެސް ބޭސްފަރުވާއަށް ބޭރަށް ދާ ފަރާތްތަކުގެ ޓިކެޓަށް ބޭންކްތަކުން ދޫކުރަމުން އައި 500 ޑޮލަރު ކުރިއެކޭ އެއް އުސޫލުން މިހާރު ވެސް ލިބެމުންދާނެ ކަމަށެވެ.
މަންސޫރު ޒުބައިރު ވިދާޅުވީ ބޭސްފަރުވާއަށް ދާ ފަރާތްތަކުގެ ޓިކެޓަށް ދެމުންއައި 500 ޑޮލަރު ދިނުން ހުއްޓާލަންއުޅޭކަމަށް ދެކެވެނީ ހަގީގަތެއްނެއް ވާހަތަކެއް ކަމަށާއި އެކަން އެގޮތަށް ކުރުމަށް ވިސްނާފައިވެސް ނުވާނެކަމަށެވެ.
އެހެންނަމަވެސް އޭގެ ބަދަލުގައި އެފަރާތްތަކަށް ލިބެމުންއަންނަ މި ޚިދުމަތް އިތުރަށް ފަސޭހަކުރުމައްޓަކައި ފަސޭހަ އިންތިޒާމުތަކެއް ހަމަޖެއްސުމައްޓަކައި އެމްއެމްއޭ އާއި ބޭންކްތަކުން ވާހަކަ ދައްކަމުން އަންނަ ކަމަށް މަންސޫރު ވިދާޅުވި އެވެ.
މީގެއިތުރުން ބީއެމްއެލް އާއި އިސްލާމިކް ބޭންކް، އެމްއައިބީގެ އޮފިޝަލުން ގެ އިތުރުން ފިނޭންސްގެ އިސް އޮފިޝަލަކު ވެސް ވަނީ މިވާހަކަ ދޮގުކުރައްވާފައެވެ.