އެފްއޭކަޕް ކްއާޓާ ފައިނަލްގައި މާޒިޔާއާ ދެކޮޅަށް ކުޅޭނެ ޓީމަކަށް ޔުނައިޓެޑު ވިކްޓަރީ.
ވިލިމާލޭ ޔުނައިޓަޑްގެ މައްޗަށް ކުރިހޯދާ އެފްއޭ ކަޕްގެ ކްއާޓާ ފައިނަލްގައި މާޒިޔާއާ ދެކޮޅަށް ކުޅޭނެ ޓީމަކަށް ޔުނައިޓަޑް ވިކްޓްރީ ވެއްޖެ އެވެ.
ޔުނައިޓެޑު ވިކްޓަރީ ލިމާލޭ ޔުނައިޓަޑްގެ މައްޗަށް ކުރިހޯދީ 0-6 ގެ ނަތީޖާއިންނެވެ.
އެފްއޭކަޕް ދެ ވަނަ ބުރުގައި މިރޭ ގައުމީ ފުޓްބޯޅަ ދަނޑުގައި ކުޅުނު މި މެޗްގައި ޔޫވީން ކާމިޔާބުކުރި 6 ލަނޑުގެ ތެރެއިން ދެ ލަނޑު ކާމިޔާބު ކުރީ އެޓީމުގެ ބިދޭސީ ކުޅުންތެރިޔާ ކެރިކް އެވެ. ފުރަތަމަ ލަނޑު މެޗް ފެށިގެން ވަރަށް ކުރީކޮޅު މެޗުގެ 7 ވަނަ މިނެޓްތެރޭގަ ކާމިޔާބުކުރީ ކެރިކްއެވެ. އަދި ދެ ވަނަ ލަނޑު ވެސް ކެރިކް ކާމިޔާބުކުރި އިރު މި ލަނޑު އޭނާ ކާމިޔާބުކުރީ މެޗުގެ 33 ވަނަ މިނެޓްގައެވެ.
އޭގެ ދެ މިނެޓް ފަހުން އެޓީމުގެ ތިން ވަނަ ލަނޑު ކާމިޔާބު ކުރީ އަލީ ހައިޝަމް އެވެ. ހަތަރު ވަނަ ލަނޑު ލިބުނު ޕެނަލްޓީ އަކުން ކާމިޔާބު ކުރީ، ޔޫވީގެ ގޯލްކީޕަރު މަހުމޫދުއެވެ.
ފަސް ވަނަ ލަނޑު މުހައްމަދު ކާމިޔާބުކުރި އިރު ހަ ވަނަ ލަނޑު ކާމިޔާބުކުރީ ހުސައިން ޝިމާޒު (ކޮކީ) އެވެ.
މި މެޗުން މޮޅުވި ޔޫވީ މާޒިއާއާ ދެކޮޅަށް ކުޅޭ އެފްއޭ ކަޕްގެ ކްއާޓާ ފައިނަލް މެޗް އޮންނާނީ އަންނަ މަހު ތިން ވަނަ ދުވަހުގެ ރޭ ގައެވެ.