ޅެން: މިކަން ކަމާ މެދު ވިސްނަމާ

އަނެކާގެ އުނިސިފަތައް ބަލާ ހޯދަން ހިނގުމަކީ ދެރަކަމެއް
އަނެކާ ފަޟީޙަތް ނުކުރުމަށް ވިސްނާލުމީ އެދެވޭކަމެއް

ބޭނުން ބަހެއް ބުނެ އިއްވަމުން ބޭނުން މަލާމާތެއް ކުރުން
ވޭނުން ބަޔަކު ރޮއްވާ ހެދުން މީ ހާދަހާ ހިތްދަތިކަމެއް

އިޝްތިހާރު Navee1 jpg

ފަލަޔަސް ދިގަސް ހުތުރަސް ކަޅަސް އަނެކާގެ ސިފަތައް ކިޔުމަކީ
ނަލަކޮށް ތިބާ ހެއްދެވި ފަރާތް ނުވެޔޭ ހަނދުމަ ހީވާކަމެއް

އިޝްތިހާރު

ޙައްޤޭ މަށަށް ވެސް ޤައުމުގައި ބޭނުން ގޮތެއްގައި ދިރިއުޅެން
ޙައްޤެއް މަގޭ ނޫނީ ނެތޭ ވިސްނުން މިއީ ދެރަވަރުކަމެއް

ބަންބަން ކިޔާ އަޑު ގޮއްވަމުން ގުންފައިން ހިނގާ ފޮނި ދައްކަމުން
ކަން ކަން ވެވޭކަން ހާމަކޮށް ގޮތް ދެއްކުމީ ލަދުވެތިކަމެއް

ވިސްނާލުމެއްނެތި އަނެކުނަށް ޢަމަލާ ބަހުން ހަމަލާ ދިނުން
ގިސްލާ ރުއިން މުޖުތަމަޢުގާ ގިނަވެއްޖެ މީ ބިރުހުރި ކަމެއް

އިންސާނަކަށް ވީތީ ތިމާ އެއްފަދަ އެހެން އިންސާނުނަށް
ދަންނާށެ ކުޑަވެސް ގެއްލުމެއް ދޭން ވިސްނުމީ ވެސް ގޯސްކަމެއް

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.